Prashanth Neel: ప్రశాంత్ నీల్ ఫెవరెట్ డైరెక్టర్ ఎవరో తెలుసా.? ఇది అస్సలు ఊహించలేరు

దర్శకుడు ప్రశాంత్ నీల్‌కి పాన్-ఇండియా స్థాయిలో క్రేజ్ ఉంది. కేజీఎఫ్ సినిమాతో ఒక్కసారిగా ప్రేక్షకుల దృష్టిని ఆకర్షించాడు. కేవలం కన్నడ ఇండస్ట్రీని మాత్రమే కాదు కేజీఎఫ్ సినిమాతో ఇండియన్ షేక్ చేశాడు ప్రశాంత్ నీల్. రీసెంట్ గా సలార్ సినిమాతో మరో బిగెస్ట్ బ్లాక్ బస్టర్ అందుకున్నాడు. ఇక ప్రశాంత్ నీల్ తో సినిమా చేయాలని పెద్ద స్టార్ ఆర్టిస్టులు, నిర్మాతలు ఎదురుచూస్తున్నారు. ఇంత పాపులారిటీ, డిమాండ్ క్రియేట్ చేసుకున్న ప్రశాంత్ నీల్ కు ఇష్టమైన దర్శకుడు ఎవరో తెలుసా.? దాని గురించి ఆయన చాలాసార్లు చెప్పారు. ఇప్పుడు మరోసారి తన ఫెవరెట్ డైరెక్టర్ గురించి తెలిపారు ప్రశాంత్ నీల్.  ‘ఉగ్రం’ సినిమా విడుదలై నేటికి పదేళ్లు. తాజాగా ఓ ఇంటర్వ్యూలో ప్రశాంత్ నీల్ తన ఫెవరెట్ డైరెక్టర్ గురించి తెలిపారు.

తనకు ఉపేంద్ర అంటే చాలా ఇష్టమని.. తన ఫెవరెట్ డైరెక్టర్ ఉపేంద్ర అని తెలిపాడు ప్రశాంత్ నీల్. ఉపేంద్ర సార్ నాకు ఎప్పటికీ ఇష్టమైన దర్శకుడు. దానికి కారణం ఉంది. నేను ఇక్కడ కన్నడ ప్రోగ్రాంలో కూర్చున్నందున ఈ విషయం చెప్పడం లేదు. ‘ష్‌’, ‘తర్లే నాన్‌ మగా’, ‘ఓం’ లాంటి డిఫరెంట్‌ జోనర్‌ సినిమాలు ప్రపంచంలో ఎవరూ తీయలేరు. అది అసాధ్యం. ఆ మూడు చాలా డిఫరెంట్ మూవీస్. తన ‘అ’, ‘ఉపేంద్ర’ సినిమాలు మరెవరూ చేయలేరు’ అని ప్రశాంత్ నీల్ అన్నారు.

‘ఉగ్రం’ సినిమా విడుదలకు ముందే ఉపేంద్ర ట్రైలర్‌ని చూశారు. అతను అప్పటికే ప్రశాంత్ నీల్ మేకింగ్‌ని మెచ్చుకున్నాడట.  దీని పై స్పందిస్తూ.. ‘ఉప్పి సార్ మాతో మాట్లాడారు. అది నాకు ఇంకా గుర్తుంది. ఉగ్రం ట్రైలర్ చూసి ఇలాంటి షాట్ నేనెప్పుడూ చూడలేదని అన్నారు. దానికి నేను సార్ జోక్ చేయకండి, మమ్మల్ని తిట్టకండి అని అన్నాను. ఈ సినిమా మీకు మంచి విజయాన్ని అందుకుంటుందని ఆయన నాతో అన్నారు’ అని ఆ రోజులను గుర్తు చేసుకున్నారు.

‘ఉగ్రం’ విడుదల తర్వాత ప్రశాంత్ నీల్ డిమాండ్ పెరిగింది. ఆ తర్వాత యష్‌తో చేతులు కలిపి ‘కేజీఎఫ్: చాప్టర్ 1’, ‘కేజీఎఫ్: చాప్టర్ 2’ సినిమాలను రూపొందించాడు. అలాగే ప్రభాస్ తో ‘సలార్’ సినిమా తో సంచలన విజయాన్ని అందుకున్నాడు.. అదే విధంగా జూనియర్ ఎన్టీఆర్ తో ప్రశాంత్ నీల్ ఓ సినిమా చేయనున్నాడు. అలాగే  ‘కేజీఎఫ్ 3’, సలార్ 2 సినిమాలు కూడా చేస్తున్నాడు. ఈ సినిమాల కోసం అభిమానులు ఆసక్తిగా ఎదురుచూస్తున్నారు.

మరిన్ని సినిమా వార్తల కోసం ఇక్కడ క్లిక్ చేయండి.