Bigg Boss Season 5: తెలుగు బిగ్ బాస్‌లోకి ఆర్ఎక్స్ 100 బ్యూటీ.? సీజన్ స్టార్ అయ్యేది అప్పుడేనా.!
Payal Rajput: బిగ్బాస్ రియాల్టీ షోకు బుల్లితెర ప్రేక్షకుల నుంచి ఉన్న ఆదరణ గురించి ప్రత్యేకంగా చెప్పాల్సిన పనిలేదు.
Updated on: Jun 09, 2021 | 12:06 PM
Payal Rajput: బిగ్బాస్ రియాల్టీ షోకు బుల్లితెర ప్రేక్షకుల నుంచి ఉన్న ఆదరణ గురించి ప్రత్యేకంగా చెప్పాల్సిన పనిలేదు. తెలుగు బిగ్ బాస్ షో ఇప్పటివరకు నాలుగు సీజన్లను పూర్తిచేసుకుంది. ఇక ఐదో సీజన్ కూడా త్వరలోనే ప్రారంభం కానుంది. జూలై రెండో వారంలోనే ఈ షోను ప్రేక్షకుల ముందుకు తీసుకువచ్చేందుకు ప్లాన్ చేస్తున్నారట నిర్వాహకులు. దీంతో ఇప్పటికే ఈ షోలో పాల్గోనే కంటెస్టెంట్స్ ను జూమ్ ద్వారా ఇంటర్వ్యూలు కూడా పూర్తిచేసినట్లుగా సమాచారం. ఇంకో పది రోజుల్లో ఫైనల్ కంటెస్టెంట్స్ ను పైనల్ చేసి.. వారిని క్వారంటైన్ లో ఉంచిన తర్వాత సీజన్ ను స్టార్ట్ చేయనున్నారట.
ఇదిలా ఉంటే.. ఇప్పటి వరకు ప్రతి సీజన్ లో ఒక్క హీరోయిన్ అయినా ఉంటుంది. ఐదో సీజన్ లో కూడా హీరోయిన్ ఉండబోతున్నట్లుగా టాక్. అయితే ఈసారి ఆ అవకాశం ‘ఆర్ఎక్స్100’ బ్యూటీ పాయల్ రాజ్‌పుత్‌ దక్కినట్లు తెలుస్తోంది. తాజా సమాచారం మేరకు.. ఐదో సీజన్‌కి కంటెస్టెంట్‌గా రావాలని పాయల్‌ని కోరారట నిర్వాహకులు. పారితోషికం కూడా భారీగా ఇస్తామని ఆఫర్ ఇచ్చారట. దీనికి పాయల్ కూడా ఓకే చెప్పినట్లు తెలుస్తోంది.
అయితే ఇప్పటికే ఈ షోతో పాయల్కు మంచి అనుబంధం ఉంది. సీజన్ లో గెస్ట్ గా వచ్చి అలరించింది ఈ బ్యూటీ. పాయల్ ఎంట్రీతో బిగ్ బాస్ షోను మరింత ఎక్కువ మంది వీక్షించారు. అయితే ఇప్పుడు ఏకంగా సీజన్ మొత్తానికి తాను కావాలని బిగ్ బాస్ నిర్వాహకులు భావిస్తున్నారట. ఇక ఈ సీజన్‌లో పాయల్‌తో పాటు యూట్యూబర్ షణ్ముఖ్‌ జశ్వంత్, టిక్‌టాక్‌ స్టార్ దుర్గారావు, యాంకర్ వర్షిణి, కమెడియన్ ప్రవీణ్‌, యాంకర్ శివ, శేఖర్ మాస్టర్, హైపర్ ఆది, సింగర్‌ మంగ్లీ కూడా పాల్గొనబోతున్నారని వార్తలు సోషల్ మీడియాలో చక్కర్లు కొడుతున్నాయి.
