Bigg Boss: బిగ్బాస్లోకి మరో అందాల తార.. తెరపైకి జాంబిరెడ్డి బ్యూటీ..
తెలుగు బిగ్బాస్ ఇప్పుడిదే ట్రెండింగ్. వరుసగా నాలుగు సీజన్లు పూర్తి చేసుకున్న బిగ్బాస్ ఐదో సీజన్ ఎప్పుడెప్పుడు మొదలవుతుందా
Updated on: Aug 07, 2021 | 8:07 AM
తెలుగు బిగ్బాస్ ఇప్పుడిదే ట్రెండింగ్. వరుసగా నాలుగు సీజన్లు పూర్తి చేసుకున్న బిగ్బాస్ ఐదో సీజన్ ఎప్పుడెప్పుడు మొదలవుతుందా అని ఆసక్తిగా ఎదురుచూస్తున్న ప్రేక్షకులకు.. ఇటీవల బిగ్బాస్ లోగో విడుదల చేసి త్వరలో రాబోతున్నట్లుగా హింట్ ఇచ్చారు మేకర్స్. ఇంకేముంది దీంతో నెట్టింట్లో బిగ్బాస్ హాట్ టాపిక్గా మారింది. గత కొద్ది రోజులుగా బిగ్బాస్ సీజన్ 5లో రాబోతున్న కంటెస్టెంట్స్ గురించి సోషల్ మీడియాలో రచ్చ కొనసాగుతున్న సంగతి తెలిసిందే. ఇప్పటికే యాంకర్స్, కమెడియన్స్, క్యారెక్టర్ ఆర్టిస్ట్స్, హీరోయిన్స్ అంటూ పలువురి పేర్లు బయటకు వచ్చాయి. ప్రస్తుతం కొంతమంది కంటెస్టేంట్లకు ప్రోమో షూట్స్ కూడా జరుగుతున్నట్లుగా తెలుస్తోంది. కంటెస్టెంట్ల జర్నీ వీడియోలు కూడా రెడీ అవుతున్నాయట. ఇక నాగార్జున కూడా ప్రోమో షూటింగ్లతో బిజీగానే ఉన్నాడని తెలుస్తోంది. ఇలా మొత్తానికి బిగ్ బాస్ సందడి మాత్రం సోషల్ మీడియాలో కనిపిస్తోంది.
ఇదిలా ఉంటే.. ఇటీవల బిగ్బాస్ కంటెస్టెంట్ల్ లీస్టులోకి కొత్త పేర్లు వచ్చి చేరుతున్నాయి. ఈ క్రమంలోనే మరో బ్యూటీ పేరు వినిపిస్తోంది. తాజా సమాచారం ప్రకారం యంగ్ హీరో తేజా ప్రధాన పాత్రలో నటించిన జాంబిరెడ్డి సినిమాలో నటించిన లహరి శారి బిగ్బాస్లో ఎంట్రీ కాబోతున్నట్లుగా తెలుస్తోంది. ముందుగా ఈ బ్యూటీ బుల్లితెరపైకి ఎంట్రీ ఇచ్చి.. ఆ తర్వాత నెమ్మదిగా సినిమాల్లోకి ఎంట్రీ ఇవ్వాలని ఆశపడుతుందట. జాంబిరెడ్డిలో ఆమె పాత్ర కనిపించింది కొద్ది సమయం అయినా.. ఈ అమ్మడు మంచి గుర్తింపు తెచ్చుకుంది. ఈసారి బిగ్బాస్ నిర్వహకులు భారీగానే ప్లాన్ చేసినట్లుగా తెలుస్తోంది. ఇక ఇప్పటివరకు ఎంపిక చేసిన జాబితాలో యూట్యూబ్ స్టార్ షణ్ముఖ్ జస్వంత్ అత్యధిక రెమ్యూనరేషన్ తీసుకుంటున్నట్లుగా టాక్ వినిపిస్తోంది. ఇక సెప్టెంబర్ మొదటి వారంలో బిగ్బాస్ షో ప్రారంభం కాబోతున్నట్లుగా తెలుస్తోంది. అయితే ఈసారి బిగ్బాస్ బజ్ హోస్ట్గా అరియానా వ్యవహరించబోతున్నట్లుగా తెలుస్తోంది.
Salaar Movie: శరవేగంగా ‘సలార్’ షూటింగ్.. నైట్ యాక్షన్ షాట్కు సిద్ధమైన ప్రభాస్..
