Bigg Boss 9 Telugu: ఫెయిర్గా గేమ్ ఆడితే ఇంటికే.. ఆటలో గెలవలేకపోయిన సాయి.. రెమ్యునరేషన్ ఎంతంటే..
బిగ్ బాస్ రియాల్టీ షో పై ఇప్పటివరకు వచ్చిన నెగిటివిటీ గురించి చెప్పక్కర్లేదు. అయినప్పటికీ షో ఆదరించేవారి సంఖ్య తక్కువేమి కాదు. అయితే ఈ ఆటలో గెలవాలంటే ఫెయిర్ గా ఉంటే సరిపోదు.. అనవసరమైన గొడవలు చేసి ఫుటేజ్ కోసం అడ్డదిడ్డంగా వాదించాలి. లేదంటే బాండింగ్స్ పెంచుకుంటే సరిపోద్ది. అలాంటివి ఏమి చేయకుండానే వెళ్లినట్లే తిరిగొచ్చాడు సాయి.
Updated on: Nov 10, 2025 | 3:20 PM
బిగ్ బాస్ సీజన్ 9.. ఈ వారం డబుల్ ఎలిమినేషన్ జరిగింది. 9వ వారంలో రాము రాథోడ్ స్వయంగా ఇంటి నుంచి బయటకు వచ్చేశాడు. ఇంటి మీద బెంగతో.. తల్లిదండ్రులను మిస్ అవుతున్నానంటూ బయటకు వచ్చేశాడు. ఇక అడియన్స్ ఓటింగ్ ప్రకారం.. ఎలిమినేట్ అయ్యాడు సాయి శ్రీనివాస్. వైల్డ్ కార్డ్ ఎంట్రీగా వచ్చిన సాయి.. హౌస్ లో మాత్రం ఎక్కువ కాలం కొనసాగలేకపోయాడు. అయితే అతడి ఎలిమినేషన్ వెనుక అనేక కారణాలు ఉన్నాయి. అక్టోబర్12న వైల్డ్ కార్డ్ గా ఇంట్లోకి అడుగుపెట్టాడు సాయి శ్రీనివాస్. ఇమ్యూనిటీ పవర్ ఉన్న వజ్రాన్ని అతడి చేతికి ఇచ్చిన నాగ్ కావాల్సినప్పుడు వాడుకోమన్నాడు. దీంతో ఒక వారం అతడు సేవ్ అయ్యాడు.
ఇవి కూడా చదవండి : Actress: ఒకప్పుడు స్కూల్లో టీచర్.. ఇప్పుడు పాన్ ఇండియా స్టార్ హీరోయిన్.. క్రేజ్ మాములుగా ఉండదు..
వెళ్లిన మొదటి వారంలో అతడు నామినేషన్లలోకి రాలేదు. ఇక తర్వాత వారం వచ్చినప్పటికీ రమ్య మోక్ష ఎలిమినేట్ కావడంతో సేఫ్ అయ్యాడు సాయి. మరో వారం తన ఇమ్యూనిటీ కోసం ఇచ్చిన పవర్ వజ్రాన్ని వాడుకుని నామినేషన్స్ నుంచి తప్పించుకున్నాడు. కానీ ఈ వారం మాత్రం బయటకు వచ్చేశాడు. అయితే ఇప్పటివరకు హౌస్ లో ఉన్న వారాలు అనవసర గొడవలు.. ఫుటేజే కోసం కావాలని వాదించడం చేయకుండా తన గేమ్ తాను ఆడేందుకు ట్రై చేశాడు. కానీ అప్పటికే ఆటలో ఆరితేరిన కంటెస్టెంట్స్.. సాయికి ఛాన్స్ రాకుండా తెలివిగా అతడిని వెనక్కు నెట్టేస్తూ.. ఆడేందుకు ట్రై చేయట్లేదంటూ అతడిని నామినేట్ చేశారు. టాస్కులలో వచ్చిన ప్రతి అవకాశాన్ని అందరిని కాదని తన తెలివితో అందుకోలేకపోయాడు. దివ్య, రీతూ ఇద్దరూ కలిసి అతడిని గేమ్ నుంచి తప్పించడంతో అసలు గేమ్ ఆడే ఛాన్స్ రాలేదు. అలాగే అర్థం కానీ గొడవలు స్టార్ట్ చేసి.. అడ్డంగా వాదించేవారితో గెలవలేకపోయాడు.
ఇవి కూడా చదవండి : Kamal Haasan : ఆరేళ్ల వయసులోనే సినిమాల్లోకి.. ఒక్కో సినిమాకు రూ.150 కోట్లు.. కమల్ హాసన్ ఆస్తులు ఎంతో తెలుసా.. ?
కానీ తక్కువ సమయంలోనే ఎలిమినేట్ అయినప్పటికీ సీజన్ 9లో అడియన్స్ హృదయాలను గెలుచుకున్నాడు. హౌస్ లో ప్రతి ఒక్కరి గురించి తన అభిప్రాయాన్ని కుండబద్దలు కొట్టినట్లు చెప్పాడు. కానీ అదే సమయంలో ఇతరులు గట్టిగా వాదించడంతో అయోమయంలో పడ్డాడు. ముఖ్యంగా తనూజను నామినేట్ చేస్తూ చెప్పిన స్ట్రాంగ్ పాయింట్స్ ఆమె ఫ్యాన్స్ తీసుకోలేకపోయారు. కానీ అతడి పాయింట్స్ స్ట్రెయిట్ గా చెప్పడంతో సాయి పై మరికొందరు ప్రశంసలు కురిపించారు. ప్రతి గేమ్ లో ఫెయిర్ గా ఉన్నాడు.. అన్ ఫెయిర్ గేమ్ ఆడుతూ.. అడ్డమైన వాదన చేయలేదు. అలాగే ఫుటేజ్ కోసం వాదించాలని.. అవసరం లేకపోయినా గొడవ పెట్టుకోవాలని ట్రై చేయలేదు. తనవరకు వచ్చే వరకు వెయిట్ చేశాడు. అలాగే తనకు హెల్ప్ కావాలని ఎలాంటి బాండింగ్స్ పెట్టుకోలేదు. ఎవరితోనూ స్నేహం , లేదా అన్న, తమ్ముడు అంటూ బాండింగ్స్ పెట్టుకోలేదు. ప్రతి గేమ్, ఇతరులను అర్థంలో చేసుకోవడంలో స్లో అయ్యాడు కానీ ఈ బిగ్ బాస్ ఆటలో అంత స్లో గా ఉంటే వర్కవుట్ అవ్వదు. దీంతో సాయి ఎలిమినేట్ కావాల్సి వచ్చింది. దాదాపు నాలుగు వారాలు హౌస్ లో ఉన్నాడు సాయి. ఈ కొన్ని రోజులకు వారానికి రూ.2 లక్షల మేర రెమ్యునరేషన్ తీసుకున్నట్లు తెలుస్తోంది. అంటే మొత్తం 8 లక్షలు సంపాదించినట్లు టాక్.
ఇవి కూడా చదవండి : Venky Movie: వెంకీ సినిమాను మిస్సైన హీరోయిన్ ఎవరో తెలుసా.. ? రవితేజతో జోడి కట్టాల్సిన బ్యూటీ ఎవరంటే..
