Hero Ajith Kumar : బైక్ రేసింగ్ నేపథ్యం అజిత్ ‘వాలిమై’.. స్పెయిన్‌‌‌‌‌కు పయనమైన చిత్రయూనిట్..

Valimai Movie : తమిళ్ స్టార్ హీరో అజిత్ ప్రస్తుతం ‘వాలిమై’ అనే సినిమాతో బిజీగా ఉన్నాడు. తెలుగు ప్రేక్షకుల్లో ప్రత్యేక స్థానం సంపాదించుకున్న తమిళ్ హీరోల్లో అజిత్ ఒకరు. ఈ స్టార్ హీరో నటించిన సినిమాలు తెలుగులో కూడా మంచి విజయాలను సొంతం చేసుకుంటున్నాయి. ఈ క్రమంలో అజిత్ నటించిన సినిమాలన్నీ తెలుగులోకి డబ్ అవుతున్నాయి. ఇక హెచ్.వినోద్ దర్శకత్వంలోనే అజిత్ ప్రస్తుతం సినిమా చేస్తున్నాడు. భారీ యాక్షన్ థ్రిల్లర్ గా రూపొందుతున్న ఈ సినిమాను పాన్ ఇండియా లెవల్ లో విడుదల చేసే ఆలోచనలో ఉన్నారట మేకర్స్ .

ఈ సినిమా బైక్ రేసింగ్ నేపథ్యంలో సాగనుందని తెలుస్తుంది. ఇప్పటికే హైదరాబాద్ లో ఈ సినిమా చాలా వరకు చిత్రీకరణ జరుపుకుంది.ఇప్పుడు చిత్రయూనిట్ అంతా స్పెయిన్ కి పయనం కానున్నారు. అక్కడ భారీ యాక్షన్ సీక్వెన్స్ ను చిత్రీకరించనున్నారట. స్పెయిన్‌లో తీసే యాక్షన్‌ సన్నివేశాలు ఈ సినిమాకు ప్రత్యేక ఆకర్షణగా నిలుస్తాయట ఇక ఇప్పటివరకు ఈ సినిమానుంచి ఎలాంటి పోస్టర్స్ విడుదల చేయలేదు. అజిత్‌ పుట్టిన రోజు సందర్భంగా మే లో ‘వాలిమై’ ఫస్ట్‌లుక్‌ పోస్టర్‌ను విడుదల చేయనున్నారని కోలీవుడ్‌ లో వార్తలు వినిపిస్తున్నాయి. ఈ సినిమాలోని టాలీవుడ్ యంగ్  కార్తికేయ కీలకపాత్రలో కనిపించనున్నాడని ప్రచారం జరుగుతుంది.

మరిన్ని ఇక్కడ చదవండి : 

త్రివిక్రమ్, ఎన్టీఆర్ సినిమాలో తమిళ హీరో.. యంగ్ టైగర్‏కు ప్రతినాయకుడిగా ఆ కోలీవుడ్ స్టార్..