Shah Rukh Taapsee: ఒకప్పుడు బాక్సాఫీస్ వద్ద వరుస విజయాలతో టాప్లో ఉన్న బాలీవుడ్ కింగ్ఖాన్ షారూక్ ఖాన్కి.. గత ఆరేళ్లుగా డీలా పడుతూ వస్తున్నారు. 2014లో హ్యాపీ న్యూ ఇయర్ చిత్రంతో షారూక్ చివరిసారిగా హిట్ని ఖాతాలో వేసుకున్నారు. ఇక రెండేళ్ల క్రితం భారీ అంచనాల మధ్య వచ్చిన జీరో భారీ ఫ్లాప్ అవ్వడంతో.. సినిమాలకు బ్రేక్ ఇచ్చారు. అంతేకాదు కాస్త బ్రేక్ తీసుకోవాలని ఉందని, ఇప్పట్లో సినిమాల్లో నటించనని ఓ ఇంటర్వ్యూలో చెప్పారు. దీంతో ఫ్యాన్స్ ఆయనను బాగా మిస్ అవుతున్నారు. త్వరగా సినిమాలను చేయండి. ఇంకెన్ని రోజులు ఎదురుచూడాలి సర్ అంటూ సోషల్ మీడియాలో అతడికి మెసేజ్లు చేస్తున్నారు.
ఇక మరోవైపు ఈసారి వరుస విజయాలను ఖాతాలో వేసుకోవాలనుకుంటోన్న షారూక్.. ఆచితూచి స్క్రిప్ట్లు ఎంచుకుంటున్నారు. ఈ నేపథ్యంలో ఓ ముగ్గురు, నలుగురు దర్శకులను షారూక్ ఫైనల్ చేసుకున్నారట. వారిలో అట్లీ, సిద్ధార్థ్ ఆనంద్, రాజ్ కుమార్ హిరాణీ ఉన్నారట. ఇక రాజ్కుమార్ హిరాణీ తెరకెక్కించబోయే చిత్రంలో హీరోయిన్గా రింగు వెంట్రుకల బ్యూటీ తాప్సీ నటించబోతున్నట్లు తెలుస్తోంది. ఈ మూవీకి సంబంధించి ఆమెతో సంప్రదింపులు జరపడం, ఆమె ఓకే చెప్పేయడం జరిగిపోయాయని సమాచారం. అంతేకాదు దీనికి సంబంధించి త్వరలోనే అధికారిక ప్రకటన రానున్నట్లు టాక్. ఒకవేళ ఇదే నిజమైతే తాప్సీ మొదటిసారిగా షారూక్తో జత కట్టనుంది. కాగా అమితాబ్, తాప్సీ ప్రధాన పాత్రల్లో నటించిన బద్లాను షారూక్ నిర్మించిన విషయం తెలిసిందే.
Read More:
దీపావళికి ‘లక్ష్మీ బాంబ్’.. ఎలా పేలుతుందో..!
భారీ రెమ్యునరేషన్ డిమాండ్ చేస్తోన్న సాయి పల్లవి..!