Samantha: మళ్లీ అలాంటి పాత్రలో మెప్పించనున్న సామ్.. ఈసారి మరింత పవర్ ఫుల్ క్యారెక్టర్ లో..

విడాకుల తర్వాత సమంత స్పీడ్ పెంచిన సంగతి తెలిసిందే. టాలీవుడ్ తో పాటు హాలీవుడ్ చిత్రాల్లో నటించేందుకు కూడా ఓకే చెప్పింది.

Samantha

Basha Shek |
Updated on: Jan 10, 2022 | 9:15 AM

విడాకుల తర్వాత సమంత స్పీడ్ పెంచిన సంగతి తెలిసిందే. టాలీవుడ్ తో పాటు హాలీవుడ్ చిత్రాల్లో నటించేందుకు కూడా ఓకే చెప్పింది. కాగా గతేడాది ఆమె నటించిన ‘ఫ్యామిలీ మ్యాన్2’ వెబ్ సిరీస్ సూపర్ డూపర్ హిట్ గా నిలిచింది. అప్పటివరకు ఎక్కువగా హీరోయిన్ పాత్రలే చేస్తూ వస్తోన్న సామ్ ఈ సిరీస్ లో ‘రాజీ’ గా మొదటిసారి నెగెటివ్ షేడ్స్ క్యారెక్టర్లో అభినయించి మెప్పించింది. ఈ పాత్రతో జాతీయ స్థాయిలో ఆమె పేరు మార్మోగిపోయింది. తాజాగా తాను మరో ఛాలెంజింగ్‌ పాత్ర చేస్తున్నట్లు తెలుస్తోంది. ‘రాజీ’ లానే మరో సారి నెగెటివ్‌ పాత్రలో అలరించనుందట.

తమిళ స్టార్‌ హీరో విజయ్ సేతుపతి, లేడీ సూపర్ స్టార్ నయనతారతో కలిసి సామ్ నటిస్తున్న చిత్రం ‘కాత్తువాక్కుల రెండు కాదల్‌’. విఘ్నేష్‌ శివన్‌ డైరెక్ట్‌ చేస్తున్న ఈ సినిమాలో ఆమె ‘ఖతిజా’ అనే పాత్రలో నటిస్తోంది. అయితే ఈ క్యారెక్టర్ నెగెటివ్ షేడ్స్‌లో ఉంటుందని కోలీవుడ్ వర్గాలు చెబుతున్నాయి. విజయ్ సేతుపతి, నయన తార ప్రేమాయణానికి అడ్డుపడే విలన్ పాత్రలో ఆమె కనిపించనున్నట్లు టాక్ నడుస్తోంది. డైరెక్టర్ సామ్ క్యారెక్టర్ ను పవర్ ఫుల్ గా తీర్చిదిద్దా రని, సినిమాలో ఆమె విలనిజం కథను మలుపు తిప్పనుందని సమాచారం. కాగా హాలీవుడ్ సినిమా ‘ అరెంజ్ మెంట్స్ ఆఫ్‌ లవ్‌’ సినిమాలోనూ తాను బై-సెక్సువల్‌ యువతి పాత్ర పోషిస్తున్న విషయాన్ని ఇదివరకే ప్రకటించింది సామ్. ఇటీవల పుష్ప సినిమాలో ఆమె నటించిన పాట సూపర్ హిట్ గా నిలిచిన సంగతి తెలిసిందే. ప్రస్తుతం ఆమె తెలుగులో ‘శాకుంతలం’ తో పాటు ‘యశోదా’ సినిమాల్లో నటిస్తోంది. హిందీలో వరుణ్ ధావన్ తో కలిసి ఓ వెబ్ సిరీస్ లోనూ నటించేందుకు ఓకే చెప్పింది.