Allu Arjun Birthday: బన్నీ బర్త్ డే స్పెషల్.. భార్య స్నేహా రెడ్డి ఎమోషనల్ వీడియో
స్టైలిష్ స్టార్ అల్లు అర్జున్ 43వ పుట్టిన రోజు సందర్భంగా సోషల్ మీడియాలో అభిమానులు శుభాకాంక్షలతో హడావిడి చేస్తున్నారు. భార్య స్నేహా రెడ్డి స్పెషల్ వీడియోతో బన్నీకి హృదయపూర్వకంగా విషెస్ చెప్పారు. వెకేషన్ ఫోటోలతో చేసిన వీడియో ప్రస్తుతం సోషల్ మీడియాలో వైరల్ అవుతోంది.
స్టైలిష్ స్టార్ అల్లు అర్జున్ తన 43వ పుట్టిన రోజును జరుపుకుంటున్నాడు. ఈ సందర్భంగా సోషల్ మీడియాలో అభిమానులు పెద్ద ఎత్తున శుభాకాంక్షలు చెబుతున్నారు. బన్నీ భార్య స్నేహా రెడ్డి కూడా తన భర్తకు ప్రత్యేకంగా పుట్టిన రోజు విషెస్ తెలిపారు. వారు కలిసి వెళ్లిన వెకేషన్ ఫోటోలను ఓ చిన్న వీడియోగా తయారు చేసి హ్యాపీ 43 బర్త్ డే టు మై లవ్ ఆఫ్ మై లైఫ్ అంటూ ఇన్స్టాగ్రామ్లో షేర్ చేశారు. ఈ వీడియోలో అల్లు అర్జున్, స్నేహా కలిసి ఉన్న చాలా మధురమైన క్షణాలు కనిపిస్తున్నాయి.
స్నేహా రెడ్డి తన భర్త పట్ల ఉన్న ప్రేమను ఈ వీడియోలో చూపించారు. నీ జీవితంలో ఎప్పుడూ ఆనందంగా ఉండాలి, ఆరోగ్యంగా ఉండాలని కోరుకుంటున్నాను. ఈ జీవితంలో నువ్వు నాకు దొరికినందుకు, నాతో కలిసి ఇలా ప్రయాణం చేస్తున్నందుకు, నా పక్కన
ఉంటున్నందుకు ఆ దేవుడికి ఎప్పుడూ రుణపడి ఉంటాను అంటూ భావోద్వేగంగా తన ప్రేమను వ్యక్తం చేశారు.
ఈ వీడియోలో బన్నీ విహారయాత్రలో దిగిన ఫోటోలు, అలాగే ‘పుష్ప’ మూవీ సెట్స్లో తీసిన కొన్ని పిక్లు కూడా ఉన్నాయి. ఈ వీడియో చూసిన అభిమానులు బన్నీకి బర్త్డే విషెస్ చెబుతూ కామెంట్లు పెడుతున్నారు.
ఇక అల్లు అర్జున్ తన తదుపరి సినిమాకి రెడీ అవుతున్నాడు. దర్శకుడు అట్లీతో కలిసి ఓ క్రేజీ ప్రాజెక్ట్ ప్లాన్ చేస్తున్నాడు. ఈ సినిమాకి సంబంధించిన చర్చల కోసం బన్నీ అమెరికాలో ఉన్న వీడియో ఒకటి కూడా బయటకి వచ్చింది. అనౌన్స్మెంట్ కూడా త్వరలోనే రాబోతోందని సమాచారం. ఈ సినిమా కోసం సంగీత దర్శకుడిగా సాయి అభ్యంగర్ను తీసుకున్నారని వినిపిస్తోంది. ఈ చిత్రాన్ని సన్ పిక్చర్స్ నిర్మించనుండగా, మైత్రీ మూవీస్ కూడా భాగస్వామిగా ఉండే అవకాశముంది.