Chinmayi Sripada: కవలలకు జన్మనిచ్చిన గాయని చిన్మయి శ్రీపాద!
గాయని చిన్మయి శ్రీపాద ఇద్దరు కవల పిల్లలకు జన్మనిచ్చింది. భర్త రాహుల్ రవీంద్రన్ వేలిని పట్టుకున్న చిన్నారి చేతి ఫొటోలను ఇన్‌స్టాగ్రామ్‌ లో షేర్‌ చేస్తూ ఈ విషయాన్ని వెల్లడించారు...
Updated on: Jun 23, 2022 | 6:00 AM
Chinmayi Sripada gives birth twins: గాయని చిన్మయి శ్రీపాద ఇద్దరు కవల పిల్లలకు జన్మనిచ్చింది. భర్త రాహుల్ రవీంద్రన్ వేలిని పట్టుకున్న చిన్నారి చేతి ఫొటోలను ఇన్‌స్టాగ్రామ్‌ లో షేర్‌ చేస్తూ ఈ విషయాన్ని వెల్లడించారు. ‘మాకు ట్విన్స్‌ (కవలలు) జన్మించారు. ఒక అమ్మాయి, అబ్బాయి’ అని పోస్టులో పేర్కొన్నారు. సిజేరియన్‌ డెలివరి అయ్యిందని తెల్పింది. అంతేకాకుండా తమ పిల్లల పేర్లను కూడా వెల్లడించారు. పాప పేరు ద్రిప్తా, బాబు పేరు శర్వాస్ అని పోస్టులో తెలియజేశారు.
చిన్మయి, రాహుల్ రవీంద్రలది ప్రేమ వివాహం. వీరు 2014లో వివాహం చేసుకున్నారు. సింగర్‌, ప్లేబ్యాక్‌ సింగర్‌, డబ్బింగ్ ఆర్టిస్టుగా, రేడియోజాకీ ఇలా విభిన్న ప్రతిభ కలిగిన చిన్మయి ఎన్నో అవార్డులను సైతం గెల్చుకుంది. అంతేకాకుండా మహిళలపై జరుగుతున్న లైంగిక దాడులపై ఎప్పటికప్పుడు సోషల్ మీడియా వేదికగా స్పందిస్తూ ఉంటారు. ఇక రాహుల్ రవీంద్రన్ తెలుగులో అందాల రాక్షసి, అలా ఎలా, టైగర్ వంటి పలు చిత్రాల్లో హీరోగా సినిమాల్లో కనిపించారు. అనేక తమిళ సినిమాల్లో కూడా నటించారు. రాహుల్ రవీంద్రన్ హీరోగానే కాకుండా సహాయనటుడిగా ఎన్నో మంచి పాత్రలు పోషించారు. ఇటీవల నాని నటించిన శ్యామ్‌సింగరాయ్ సినిమాలో రాహుల్ రవీంద్రన్ పోషించిన పాత్రకు ప్రేక్షకుల నుంచి మంచి ప్రశంసలు దక్కాయి. నటుడిగానే కాకుండా రాహుల్ రవీంద్రన్ దర్శకుడిగా కూడా మారిన విషయం తెలిసిందే.
View this post on Instagram
