Simbu: మెగా ప్రొడ్యూసర్‌ చేతికి మరో హిట్ సినిమా రీమేక్ హక్కులు !.. మెగా హీరోలతోనే తెరకెక్కించే ఛాన్స్‌!
కోలీవుడ్ స్టార్ శింబు నటించిన తాజా చిత్రం 'మానాడు'. వెంకట్‌ ప్రభు దర్శకత్వం వహించారు
Updated on: Dec 08, 2021 | 10:29 PM
కోలీవుడ్ స్టార్ శింబు నటించిన తాజా చిత్రం ‘మానాడు’. వెంకట్‌ ప్రభు దర్శకత్వం వహించారు. కల్యాణి ప్రియదర్శన్‌ హీరోయిన్‌గా నటించగా, ప్రముఖ దర్శకుడు, నటుడు ఎస్‌. జే. సూర్య విలన్‌గా ఆకట్టుకున్నాడు. ‘టైమ్‌ లూప్‌’ అనే ఓ డిఫరెంట్‌ కాన్సెప్ట్‌తో తెరకెక్కిన ఈ చిత్రం ఇటీవల కోలీవుడ్‌లో విడుదలై ఘన విజయం సాధించింది. గత కొన్నేళ్లుగా హిట్ కోసం ఎదురుచూస్తోన్న శింబుకు ఈ సినిమా మంచి బ్యాకప్‌ మూవీగా నిలిచింది. కాగా ఈ సినిమాను తెలుగులో ‘ది లూప్‌’ పేరుతో విడుదల చేయాలనుకున్నారు. దీనికి సంబంధించిన టీజర్‌ను కూడా విడుదల చేశారు. అయితే కొన్ని కారణాల వల్ల అది సాధ్యం కాలేదు. కాగా ఇప్పుడీ సినిమాను గీతా ఆర్ట్స్‌ తెలుగులో రీమేక్ చేసేందుకు రెడీ అవుతోందట. ఈమేరకు అల్లు అరవింద్‌ తెలుగు రీమేక్ హక్కులు దక్కించుకున్నారని సమాచారం. సాయి ధరమ్‌తేజ్‌, వరుణ్‌ తేజ్‌ లేదా శిరీష్‌తో ఈ ‘మానాడు’ చిత్రాన్ని తెరకెక్కించేందుకు ప్రణాళికలు రచిస్తున్నట్లు తెలుస్తోంది. త్వరలోనే ఈ సినిమా తెలుగు వెర్షన్ కు సంబంధించిన కీలక ప్రకటన రాబోతుందట.
కాగా ఇటీవల ‘నాయాట్టు’ అనే మలయాళ చిత్రం తెలుగు రీమేక్ రైట్స్‌ను కూడా అల్లు అరవింద్‌ దక్కించుకున్న సంగతి తెలిసిందే. ఈ మేరకు షూటింగ్‌ కూడా ప్రారంభమైంది. ఇక ఓటీటీ ప్లాట్ ఫామ్ ‘ఆహా’ కోసం పలు కథలు వింటున్నారు. కొన్ని సినిమాలు స్క్రిప్ట్ దశలో ఉండగానే వాటి రైట్స్ తీసుకుని ‘ఆహా’ లో స్ట్రీమింగ్ చేసేలా ప్రణాళికలు రచిస్తున్నాడు.
Also read:
Samantha: చిత్రీకరణ పూర్తి చేసుకున్న సామ్‌ స్పెషల్‌ సాంగ్‌.. విడుదల తేదీని ప్రకటించిన పుష్ప టీం.. రిలీజ్‌ ఎప్పుడంటే..
Lobo: మెగాస్టార్‌ చిత్రంలో ఛాన్స్‌ దక్కించుకున్న లోబో!.. ఏ సినిమాలో అంటే..
Shraddha Kapoor: త్వరలోనే పెళ్లిపీటలెక్కనున్న సాహో బ్యూటీ!.. హింట్‌ ఇచ్చిన ప్రముఖ నటి..
