Nanditha Raj: అమ్మబాబోయ్.. ప్రేమకథ చిత్రం బ్యూటీ నందిత ఇప్పుడు ఎలా ఉందో తెలుసా.?
ముఖ్యంగా నందిత ఈ సినిమాలో తన అందంతో ఆకట్టుకుంది. అంతకు ముందుకు నీకు నాకు డ్యాష్ డ్యాష్ అనే సినిమాతో పరిచయం అయ్యింది నందిత.
Updated on: Dec 28, 2022 | 4:48 PM
మారుతి దర్శకత్వంలో వచ్చిన సినిమాల్లో ప్రేమకథ చిత్రం ఒకటి. సుధీర్ బాబు హీరోగా నటించిన ఈ సినిమా హారర్ నేపథ్యంలో రూపొందింది. ఈ సినిమాలో తెలుగమ్మాయి నందిత హీరోయిన్ గా నటించింది. ఈ సినిమా మంచి హిట్ అవ్వడంతో దర్శకుడికి, హీరోకుఅలాగే హీరోయిన్ కు మంచి గుర్తింపు వచ్చింది. ముఖ్యంగా నందిత ఈ సినిమాలో తన అందంతో ఆకట్టుకుంది. అంతకు ముందుకు నీకు నాకు డ్యాష్ డ్యాష్ అనే సినిమాతో పరిచయం అయ్యింది నందిత. తేజ దర్శకత్వంలో వచ్చిన ఈ సినిమా ఆశించిన స్థాయిలో ప్రేక్షకులను ఆకట్టుకోలేక పోయింది . కాగా ప్రేమ కథ చిత్రం ద్వారా మంచి గుర్తింపు తెచ్చుకుంది. ఆ తర్వాత వరుసగా తెలుగులో అవకాశాలు అందుకుంది. మలయాళంలో లండన్ బ్రిడ్జ్ అనే సినిమా చేసింది నందిత. ఆ తర్వాత అన్ని తెలుగు సినిమాలే చేసింది. సుధీర్ బాబుతో కలిసి మూడు సినిమాల్లో నటించింది నందిత.
చివరిగా నందిత విశ్వమిత్ర సినిమాలో కనిపించింది. ఈ సినిమా 2019లో వచ్చింది. అలాగే ఎన్టీఆర్ నటించిన జై లవకుశ అనే సినిమాలో చిన్న పాత్రలో కనిపించింది నందిత. అప్పటికే కాస్త బొద్దుగా కనిపించింది ఈ బ్యూటీ. ఇదిలా ఉంటే ఇప్పుడు నందిత ఎలా ఉంది అని ఆరా తీస్తున్నారు కొందరు నెటిజన్లు.
ఈ క్రమంలో నందిత లేటెస్ట్ ఫోటోలు సోషల్ మీడియాలో వైరల్ అవుతున్నాయి. నందిత ఇప్పుడు మరింత అందంగా మారిపోయారు. చూడముచ్చటైన రూపంతో మెరిసిపోతుంది ఈ భామ. అప్పటి కంటే ఇప్పుడే చాలా అందంగా ఉన్నారు అంటూ కొందరు కామెంట్స్ చేస్తున్నారు. మరోసారి సన్నజాజిలా మారిపోయింది నందిత. ప్రస్తుతం ఈ అమ్మడి వయసు 28ఏళ్లు. నందిత విశ్వమిత్ర సినిమా తర్వాత మరో సినిమా కమిట్ అవ్వలేదు. త్వరలోనే ఈ చిన్నదాని నుంచి ఏదైనా సినిమా అప్డేట్ వస్తుందేమో చూడాలి.
Nanditha
Nanditha
