Sanya Malhotra: సాన్యా.. యూ ఆర్ సో క్యూట్ అండ్ స్వీట్.. దంగల్ బ్యూటీపై నెటిజన్ల ప్రశంసలు.. కారణమేంటంటే..

ఆమిర్ ఖాన్(AamirKhan) హీరోగా నటించిన ‘దంగల్’ (Dangal) చిత్రంతో మంచి గుర్తింపు తెచ్చుకుంది 'సాన్యా మల్హోత్రా (Sanya Malhotra). ఆ తర్వాత 'బదాయి హో', 'శకుంతలా దేవి', ‘లూడో’, ‘పగ్లైట్’ తదితర సినిమాలతో బాలీవుడ్ ప్రేక్షకులకు మరింత చేరువైంది

Sanyamalhotra

Basha Shek |
Updated on: Jan 28, 2022 | 7:30 AM

ఆమిర్ ఖాన్(AamirKhan) హీరోగా నటించిన ‘దంగల్’ (Dangal) చిత్రంతో మంచి గుర్తింపు తెచ్చుకుంది ‘సాన్యా మల్హోత్రా (Sanya Malhotra). ఆ తర్వాత ‘బదాయి హో’, ‘శకుంతలా దేవి’, ‘లూడో’, ‘పగ్లైట్’ తదితర సినిమాలతో బాలీవుడ్ ప్రేక్షకులకు మరింత చేరువైంది. కాగా రింగు రింగుల జుట్టుతో ఎంతో క్యూట్ గా కనిపించే ఈ సొగసరికి సోషల్ మీడియాలోనూ భారీగానే ఫ్యాన్స్ ఉన్నారు. కాగా ఈ అమ్మడు తాజాగా చేసిన ఓ పనికి ఫ్యాన్స్ తో పాటు నెటిజన్లందరూ ప్రశంసలు కురిపిస్తున్నారు. కాగా సాన్యాకు సంబంధించిన వీడియో ఒకటి సోషల్ మీడియాలో బాగా వైరలవుతోంది. అందులో ఓ షాపులోంచి బయటకు వచ్చి తన కారు వైపు వెళ్లింది. అందులో కొందరు ఫొటోగ్రాఫర్లు ఆమెను తమ కెమెరాల్లో బంధించేందుకు ప్రయత్నించారు. అయితే ఈ ప్రయత్నంలో ఓ ఫొటోగ్రాఫర్ ప్రమాదవశాత్తూ కింద పడిపోయాడు. అది గమనించిన ఈ ముద్దుగుమ్మ పరిగెత్తుకుంటూ వెళ్లి ఆ వ్యక్తిని పైకి లేపేందుకు ప్రయత్నించింది. ఆ తర్వాత ‘ అంతా ఓకేనా? మీరు ఎలా ఉన్నారు సర్. దెబ్బలు ఏమైనా తగిలాయా?’ అంటూ అతని యోగ క్షేమాలు అడిగింది.

క్యూట్ అండ్ స్వీట్…

కాగా ఈ వీడియో సోషల్ మీడియాలో అప్‌లోడ్ అయిన కొన్ని గంటల్లోనే వైరల్‌గా మారిపోయింది. దీనిని చూసిన నెటిజన్లు, అభిమానులు సాన్యా కేరింగ్ ను మెచ్చకుంటున్నారు. ‘ నువ్వే కాదు.. నీ మనసు కూడా అందమే’, ‘ యూ ఆర్ సో క్యూట్ అండ్ స్వీట్’ అంటూ ప్రశంసల వర్షం కురిపిస్తున్నారు. ఇక సినిమాల విషయానికొస్తే.. ప్రస్తుతం ‘లవ్ హాస్టల్’ అనే చిత్రంలో నటిస్తోంది సాన్యా. అదేవిధంగా షారుఖ్, అట్లీ కాంబినేషన్ లో తెరకెక్కే చిత్రంలోనూ ఓ ప్రధాన పాత్రలో నటించనుంది.