RRR Movie: 100 థియేటర్లలో మళ్లీ విడుదలవుతోన్న ఆర్.ఆర్.ఆర్ సినిమా.. అందుబాటులోకి అన్‌కట్‌ వెర్షన్‌.. అయితే..
RRR Movie: భారతీయ సినిమా ఇండస్ట్రీలో బాహుబలి (Bahubali)తో పెను సంచలనం సృష్టించిన రాజమౌళి దర్శకత్వంలో వచ్చిన సినిమా ఆర్.ఆర్.ఆర్ (RRR) ఎలాంటి వండర్స్‌ క్రియేట్‌ చేసిందో ప్రత్యేకంగా చెప్పాల్సిన పని లేదు. ఎన్టీఆర్‌ (NTR), రామ్‌ చరణ్‌ (Ram Charan)లు హీరోలుగా తెరకెక్కిన ఈ సినిమా..
RRR Movie: భారతీయ సినిమా ఇండస్ట్రీలో బాహుబలి (Bahubali)తో పెను సంచలనం సృష్టించిన రాజమౌళి దర్శకత్వంలో వచ్చిన సినిమా ఆర్.ఆర్.ఆర్ (RRR) ఎలాంటి వండర్స్‌ క్రియేట్‌ చేసిందో ప్రత్యేకంగా చెప్పాల్సిన పని లేదు. ఎన్టీఆర్‌ (NTR), రామ్‌ చరణ్‌ (Ram Charan)లు హీరోలుగా తెరకెక్కిన ఈ సినిమా ఇండియన్‌ బాక్సాఫీస్‌ ముందు వసూళ్ల సునామి సృష్టించింది. ప్రపంచవ్యాప్తంగా ఏకంగా రూ. 1100 కోట్లకుపై కలెక్షన్లు రాబట్టింది. ఇద్దరు స్టార్‌ హీరోల క్రేజ్‌, జక్కన్న దర్శకత్వ ప్రతిభ వెరసి సినిమాను విజయ తీరాలకు చేర్చింది. ఇదిలా ఉంటే ఈ సినిమా జీ5 ఓటీటీ వేదికగా శుక్రవారం విడుదలవుతోన్న విషయం తెలిసిందే. ఇదిలా ఉంటే జూన్‌ 1న ట్రిపులార్‌ సినిమాను మరోసారి థియేటర్లలో విడుదల చేయనున్నారు.
అయితే ఇది ఇండియాలో కాదులేండి అమెరికాలో. ఈ విషయాన్ని చిత్ర యూనిట్ అధికారికంగా ప్రకటించింది. అయితే ఈ సినిమాను కేవలం ఒకరోజు మాత్రమే ప్రదర్శించనున్నారు. స్పెషల్‌ స్క్రీనింగ్ పేరుతో సినిమాలో కొన్ని సన్నివేశాలను తొలగించారు. అయితే ఇప్పుడు మళ్లీ విడుదల చేస్తున్న షోలో సన్నివేశాలను యథాతథంగా ఉంచి ప్రేక్షకుల ముందుకు తీసుకురానున్నారు. ఈ అన్‌కట్‌ వెర్షన్‌ సినిమాను చూడటం కోసం టికెట్లను అందుబాటులోకి తీసుకొచ్చారు. సినిమా విడుదలై ఇన్ని రోజులు అవుతోన్నా ఇప్పటికీ టికెట్లు హాట్‌ కేక్‌లా అమ్ముడుపోవడం విశేషం.
#RRRMovie re-releasing in USA on June 1st!! ?? https://t.co/lUvISLzj2v
— RRR Movie (@RRRMovie) May 18, 2022
ఇదిలా ఉంటే శుక్రవారం నుంచి ఆర్‌ఆర్‌ఆర్‌ జీ5లో స్ట్రీమింగ్ కానుంది. అయితే సినిమా చూడాలంటే రెగ్యులర్‌ సబ్‌స్క్రిప్షన్‌తో పాటు ఎర్లీ యాక్సెస్‌ పేరుతో అదనంగా రూ. 100 చెల్లించాల్సి ఉంటుంది. దీని వ్యాలిడిటీ ఏడు రోజులు మాత్రమే ఉంటుంది.
మరిన్ని సినిమా వార్తల కోసం క్లిక్ చేయండి..
