‘రంగస్థలం’ మ్యాజిక్ రిపీట్ అయ్యేనా.. హీరోయిన్ రేసులో ఆ మలయాళ కుట్టి?

టాలీవుడ్ బాక్సాఫీస్ వద్ద ‘చిట్టిబాబు’గా ఆయన చేసిన రచ్చ అంతా ఇంతా కాదు. ఒక స్టార్ హీరోలో దాగి ఉన్న అద్భుతమైన నటుడిని బయటకు తీసి, తెలుగు సినిమా స్థాయిని పెంచిన ఆ దర్శకుడు.. ఇప్పుడు మళ్ళీ ఆ హీరోతోనే చేతులు కలపబోతున్నారు. వీరిద్దరి కాంబినేషన్ లో వచ్చిన ఆ పల్లెటూరి ప్రేమకథ ఇండస్ట్రీ రికార్డులను తిరగరాసింది. ఇప్పుడు మరోసారి అదే మ్యాజిక్ ను రిపీట్ చేయడానికి కథ కూడా సిద్ధమైపోయింది. అయితే ఈ సినిమా గురించి వస్తున్న వార్తల్లో కేవలం యాక్షన్ మాత్రమే కాదు, ఒక హీరోయిన్ కు సంబంధించిన పాత బాకీ కూడా చర్చనీయాంశంగా మారింది. అప్పట్లో ఒక బ్లాక్ బస్టర్ సినిమా కోసం ఎంపికై, ఆ తర్వాత చివరి నిమిషంలో తప్పుకోవాల్సి వచ్చిన ఒక అందాల భామకు.. ఇప్పుడు అదే దర్శకుడు మళ్ళీ అవకాశం ఇవ్వబోతున్నారనే టాక్ వినిపిస్తోంది. ఇంతకీ ఆ హీరోయిన్ ఎవరు? సుకుమార్ ఆమెకు ఇచ్చిన ఆ మాటేంటి? మెగాస్టార్ వారసుడితో ఆమె స్క్రీన్ షేర్ చేసుకోబోతుందా?

మెగాపవర్‌ స్టార్‌ రామ్ చరణ్, లెక్కల మాస్టర్ సుకుమార్ కాంబినేషన్ మరోసారి రిపీట్ కాబోతోంది. ‘రంగస్థలం’ వంటి ఇండస్ట్రీ హిట్ తర్వాత ఈ ఇద్దరూ కలిసి చేస్తున్న కొత్త సినిమా కథ ఇప్పటికే ఫైనల్ అయింది. ప్రస్తుతం సుకుమార్ ‘పుష్ప 2’ పనులతో బిజీగా ఉన్నప్పటికీ, చరణ్ కోసం ఒక పవర్ ఫుల్ స్క్రిప్ట్ సిద్ధం చేసినట్లు తెలుస్తోంది. ఇక ఈ సినిమా గురించి వినిపిస్తున్న మరో క్రేజీ అప్‌డేట్ ఏంటంటే.. ఇది కూడా పుష్ప తరహాలోనే రెండు భాగాలుగా తెరకెక్కనుందట. వచ్చే నెలలో ఈ ప్రాజెక్టుకు సంబంధించిన అధికారిక ప్రకటన వెలువడే అవకాశం ఉంది.

హీరోయిన్ విషయంలో ఇప్పుడు సోషల్ మీడియాలో ఆసక్తికర చర్చలు మొదలయ్యాయి. రంగస్థలం సినిమా షూటింగ్ మొదలయ్యే సమయంలో మొదట అనుపమ పరమేశ్వరన్‌ను హీరోయిన్‌గా ఎంపిక చేశారు. కానీ కథలో మార్పులు, ఇతర కారణాల వల్ల ఆమెను తప్పించి సమంతను తీసుకున్నారు. ఆ సినిమా ఎంతటి విజయం సాధించిందో మనందరికీ తెలిసిందే. అయితే ఆ సమయంలో నిరాశ చెందిన అనుపమకు, భవిష్యత్తులో తప్పకుండా తన దర్శకత్వంలో ఒక మంచి పాత్ర ఇస్తానని సుకుమార్ మాటిచ్చారట. ఇప్పుడు ఆ సమయం రానే వచ్చిందని అభిమానులు భావిస్తున్నారు.

Ram Charan, Sukumar & Anupama Parameswaran

అనుపమకు గోల్డెన్ ఛాన్స్?

ప్రస్తుతం అనుపమ పరమేశ్వరన్ ఫుల్ లైమ్‌లైట్‌లోనే ఉంది. ‘కార్తికేయ 2’, ‘టిల్లు స్క్వేర్’ వంటి విజయాలతో తన క్రేజ్ ను పెంచుకుంది. నటనలో ఆమెను తక్కువ చేయలేం కానీ, ఇప్పటి వరకు స్టార్ హీరోల సరసన నటించే భారీ ఆఫర్ మాత్రం ఆమెకు రాలేదు. సుకుమార్ ఈసారి రాసుకున్న హీరోయిన్ పాత్ర ఎంతో బలంగా ఉంటుందని సమాచారం. ఆ పాత్రకు అనుపమ పక్కాగా సరిపోతుందని సినీ విశ్లేషకులు భావిస్తున్నారు. మరి సుకుమార్ తన పాత ప్రామిస్ గుర్తుంచుకుని అనుపమకు ఈ గోల్డెన్ ఛాన్స్ ఇస్తాడా? లేక మరేదైనా స్టార్ హీరోయిన్ ను రంగంలోకి దించుతారా అన్నది సస్పెన్స్ గా మారింది.

నెక్స్ట్ లెవల్ యాక్షన్ ప్లాన్..

రామ్ చరణ్ ప్రస్తుతం శంకర్ దర్శకత్వంలో ‘గేమ్ ఛేంజర్’ సినిమా పూర్తి చేసే పనిలో ఉన్నారు. ఆ తర్వాత వెంటనే సుకుమార్ ప్రాజెక్ట్ పట్టాలెక్కే అవకాశం ఉంది. రామ్ చరణ్ ఇమేజ్ ను గ్లోబల్ స్థాయిలో వాడుకునేలా సుకుమార్ ఈ కథను రూపొందించారట. రెండు భాగాలుగా రాబోతున్న ఈ సినిమాతో బాక్సాఫీస్ వద్ద మరోసారి మెగా విధ్వంసం సృష్టించాలని ఈ టీమ్ ప్లాన్ చేస్తోంది. హీరోయిన్ ఎవరన్నది అధికారికంగా తెలిస్తే కానీ ఈ చర్చలకు తెరపడదు. అనుపమ పరమేశ్వరన్ కు సుకుమార్ సినిమాలో అవకాశం దక్కితే ఆమె కెరీర్ మరో స్థాయికి చేరుతుందనడంలో సందేహం లేదు. అటు మెగా పవర్ స్టార్ క్రేజ్, ఇటు సుకుమార్ విజన్ కలిస్తే ఈ సినిమా రికార్డులు తిరగరాయడం ఖాయమంటున్నారు మెగా అభిమానులు