‘లక్ష్మీ బాంబ్’కు లారెన్స్ తుస్.!

బాలీవుడ్ యాక్షన్ హీరో అక్షయ్ కుమార్ ప్రధాన పాత్రలో తెరకెక్కుతున్న చిత్రం ‘లక్ష్మీ బాంబ్’. తెలుగులో హిట్ అయిన ‘కాంచన’ సినిమాకు ఇది రీమేక్. ఈ సినిమా ద్వారా రాఘవ లారెన్స్ దర్శకుడిగా బాలీవుడ్‌కు ఎంట్రీ ఇస్తున్నారు. తాజాగా సినిమా ఫస్ట్ లుక్‌ను కూడా రిలీజ్ చేసింది చిత్ర యూనిట్. అయితే అనూహ్యంగా ఈ సినిమా నుంచి తప్పుకుంటున్నట్లు ప్రకటించాడు దర్శకుడు రాఘవ లారెన్స్. అసలు వివరాల్లోకి వెళ్తే.. ఈ సినిమా ఫస్ట్ లుక్‌ను తన ప్రమేయం […]

'లక్ష్మీ బాంబ్'కు లారెన్స్ తుస్.!
Follow us

|

Updated on: May 19, 2019 | 9:58 AM

బాలీవుడ్ యాక్షన్ హీరో అక్షయ్ కుమార్ ప్రధాన పాత్రలో తెరకెక్కుతున్న చిత్రం ‘లక్ష్మీ బాంబ్’. తెలుగులో హిట్ అయిన ‘కాంచన’ సినిమాకు ఇది రీమేక్. ఈ సినిమా ద్వారా రాఘవ లారెన్స్ దర్శకుడిగా బాలీవుడ్‌కు ఎంట్రీ ఇస్తున్నారు. తాజాగా సినిమా ఫస్ట్ లుక్‌ను కూడా రిలీజ్ చేసింది చిత్ర యూనిట్. అయితే అనూహ్యంగా ఈ సినిమా నుంచి తప్పుకుంటున్నట్లు ప్రకటించాడు దర్శకుడు రాఘవ లారెన్స్.

అసలు వివరాల్లోకి వెళ్తే.. ఈ సినిమా ఫస్ట్ లుక్‌ను తన ప్రమేయం లేకుండా రిలీజ్ చేశారని.. విడుదలైన విషయం కూడా మూడో వ్యక్తి చెబితే తప్ప తనకు తెలియలేదని లారెన్స్ ఆవేదన వ్యక్తం చేశాడు. అంతేకాకుండా డిజైన్ చేసిన ఫస్ట్ లుక్ తనకు నచ్చలేదని పేర్కొన్నాడు. ప్రపంచంలో డబ్బు, పేరు ప్రతిష్టల కన్నా ఆత్మ గౌరవం అనేది మనిషికి చాలా ముఖ్యం అని.. అది లేని చోట పని చేయడం కష్టమని తెలిపారు. అందుకే ఈ ప్రాజెక్ట్ నుంచి తాను వైదొలుగుతున్నట్లు లారెన్స్ చెప్పారు. త్వరలోనే అక్షయ్ కుమార్‌ను కలిసి పూర్తి స్క్రిప్ట్ తన చేతుల్లో పెడతానని తెలిపారు.

కియారా అద్వానీ హీరోయిన్‌గా నటిస్తున్న ఈ చిత్రానికి కొత్త దర్శకుడు ఎవరనేది త్వరలోనే వెల్లడించనున్నారు చిత్ర నిర్మాతలు.