Hero Prabhas: ఆ రోజు నుంచి ‘ఆదిపురుష్’ షూటింగ్ స్టార్ట్.. ముంబై స్టూడియోలోనే చిత్రీకరణ ?

పాన్ ఇండియా స్టార్ ప్రభాస్ వరుస సినిమాలతో బిజీగా ఉన్నాడు. ప్రస్తుత ప్రభాస్ నటిస్తున్న రాధేశ్యామ్ మూవీ చిత్రీకరం చివరిదశకు చేరుకుంది. ఇందులో పూజా హెగ్డే హీరోయిన్‏గా నటిస్తుంది. ప్రభాస్’రాధేశ్యామ్’ సినిమా తర్వాత ఓంరౌత్ డైరెక్షన్లో ‘ఆదిపురుష్’ సినిమా చేయనున్నాడు. ఆ తర్వాత కేజీఎఫ్ ఫేం డైరెక్టర్ ప్రశాంత్ నీల్ దర్శకత్వంలో సలార్ మూవీ చేయనున్నాడు. ప్రస్తుతం ప్రభాస్ నటించనున్న ఆదిపురుష్ చిత్రానికి సంబంధించిన ఓ వార్త ఫిల్మ్ నగర్లో వినిపిస్తోంది.

బాలీవుడ్ డైరెక్టర్ ఓం రౌత్ దర్శకత్వంలో ప్రభాస్ నటించబోయే ఆదిపురుష్ సినిమా షూటింగ్ జనవరి 19 నుంచి సెట్స్ పైకి వెళ్లనున్నట్లు టాక్. అంతేకాకుండా ఈ సినిమా షూటింగ్ ముంబైలోని ఓ స్టూడియోలో ప్రారంభించనున్నారని.. అలాగే దాదాపు ఎక్కువ శాతం మూవీ అదే స్టూడియోలో చిత్రీకరించనున్నట్లుగా తెలుస్తోంది. ఇక ఇందులో రాముడిగా ప్రభాస్ కనిపించనుండగా.. సీత పాత్రలో కృతి సనన్ నటిస్తున్నట్లు సమాచారం. ఇక వచ్చే సంవత్సరం ఆగస్ట్‏లో ‘ఆదిపురుష్’ విడుదల చేయనున్నట్లుగా గతంలో వార్తలు వచ్చాయి.

Also Read: మరో వివాదంలో ప్రభాస్ ‘ఆదిపురుష్’.. సినిమా డైరక్టర్, విలన్‏పై పిటిషన్.. అసలు విషయం ఇదే..

వరుస సినిమాలతో బిజీగా ఉన్న ప్రభాస్.. నాగ్ అశ్విన్ సినిమా ఆలస్యం అవ్వక తప్పదా…