నటి వనితా విజయ్కుమార్, ఆమె భర్తపై కేసు నమోదు..!
ప్రముఖ నటి, బిగ్బాస్ 3 కంటెస్టెంట్ వనితా విజయ్కుమార్ శనివారం సినీ పరిశ్రమకు చెందిన పీటర్ పాల్ను వివాహం చేసుకున్న విషయం తెలిసిందే
ప్రముఖ నటి, బిగ్బాస్ 3 కంటెస్టెంట్ వనితా విజయ్కుమార్ శనివారం సినీ పరిశ్రమకు చెందిన పీటర్ పాల్ను వివాహం చేసుకున్న విషయం తెలిసిందే. వనితాకు ఇది మూడో పెళ్లి కాగా.. పీటర్ పాల్కి రెండో వివాహం. చెన్నైలోని ఓ ప్రైవేట్ ఫంక్షన్ హాల్లో క్రైస్తవ పద్దతిలో ఈ ఇద్దరు ఒక్కటయ్యారు. ఈ కార్యక్రమంలో వనితా కుమార్తెలు ప్రత్యేక ఆకర్షణగా మారారు. ఇక వారి వివాహానికి సంబంధించిన ఫొటోలు, వీడియోలు సోషల్ మీడియాలో వైరల్గా మారాయి.
అయితే తాజా సమాచారం ప్రకారం ఈ ఇద్దరిపై కేసు నమోదు అయినట్లు తెలుస్తోంది. పీటర్ మొదటి భార్య ఎలిజిబెత్ హెలెన్ ఈ ఇద్దరిపై పోలీసులకు ఫిర్యాదు చేసినట్లు సమాచారం. తనతో విడాకులు తీసుకోకుండానే పీటర్, వనితాను వివాహం చేసుకున్నాడని ఆమె తన ఫిర్యాదులో పేర్కొన్నట్లు తెలుస్తోంది. ఈ నేపథ్యంలో పోలీసులు ఆ ఇద్దరిపై కేసు నమోదు చేసినట్లు టాక్. కాగా ఈ నెల 18న తాను పీటర్ను పెళ్లి చేసుకోబోతున్నట్లు వనితా ఓ ప్రకటనను విడుదల చేశారు. తనను జీవితాంతం అర్థం చేసుకునే వ్యక్తి దొరికాడని, తన పెళ్లికి కుమార్తెలు సంతోషంగా ఒప్పుకున్నారని ఆమె తన ప్రకటనలో వెల్లడించిన విషయం తెలిసిందే.