షూటింగ్ స్టార్ట్ అయిన వెంటనే సెట్‏లో అగ్ని ప్రమాదం.. ఒకరి తర్వాత ఒకరు 20 మంది మరణం.. ప్రపంచంలోనే శాపగ్రస్తమైన సినిమా..

కామెడీ, యాక్షన్ లేదా హారర్ ఏదైనా సరే, సినిమాలు సాధారణంగా ప్రజలను అలరించడానికే తీస్తారు. కానీ, ప్రజల మరణానికి కారణమయ్యే సినిమా కూడా ఉంటుందా? 53 సంవత్సరాల క్రితం ఇలాంటి ఒక సినిమా విడుదలైంది, దీనిని ఇప్పటికీ ప్రపంచంలోనే అత్యంత ‘శాపగ్రస్తమైన’ చిత్రం అని అంటారు. ఈ సినిమా నిర్మాణ సమయంలో పెద్ద ప్రమాదాలు జరగడమే కాకుండా, సినిమా ప్రదర్శన జరుగుతున్నప్పుడు సినిమా హాళ్ల బయట అంబులెన్సులను కూడా పెట్టాల్సి వచ్చిందంటే ఈ సినిమా అప్పట్లో ఏ స్థాయిలో భయపెట్టిందో అర్థం చేసుకోవాలి. ఈ చిత్రానికి దర్శకత్వం చేయాలని కోరినా ఎంతో మంది నిరాకరించారు. చివరకు హలీవుడ్ డైరెక్టర్ విలియం ఫ్రైడ్కిన్ దర్శకత్వం వహించారు. చిత్రీకరణ మొదటి రోజే సెట్‌లో భారీ అగ్నిప్రమాదం జరిగి 9 మంది మరణించారు. ఆశ్చర్యకరంగా, సెట్ మొత్తం కాలిపోయినప్పటికీ, దెయ్యం సన్నివేశాన్ని చిత్రీకరించాల్సిన గదిలో కనీసం నిప్పురవ్వ కూడా అంటుకోలేదు.

ఎక్కువ మంది చదివినవి : Pragathi : ఆ వాన సాంగ్ వల్ల హీరోయిన్‏గా సినిమాలు చేయడం మానేశా.. నటి ప్రగతి కామెంట్స్..

సెట్‌లో అగ్నిప్రమాదం కారణంగా సినిమా షూటింగ్ ఆరు వారాల పాటు నిలిచిపోయింది, కానీ ప్రమాదాలు కొనసాగుతూనే ఉన్నాయి. చిత్ర బృందానికి సన్నిహితంగా ఉన్నవారు ఒకరి తర్వాత ఒకరు మరణించారు. సినిమాలో బర్క్ డెన్నింగ్స్ పాత్ర పోషించిన జాక్ మెక్‌గోరన్, వాసిలికి మల్యారోస్ కన్నుమూశారు. అంతేకాకుండా, ప్రధాన పాత్ర పోషించిన లిండా బ్లెయిర్, మాక్స్ వాన్ సిడో, చిత్ర బృందంలోని పలువురి కుటుంబ సభ్యులు కూడా మరణించారు. సినిమా విడుదలకు ముందు, సుమారు 11 మంది ఒకరి తర్వాత ఒకరు మరణించారు. సినిమా ప్రదర్శన జరిగినప్పుడు, విమర్శకులు సినిమా చూడటానికి వచ్చి, అందులోని భయంకరమైన దృశ్యాలను చూసి పారిపోయారు. ఆ సమయంలో, ఆ సినిమా కేవలం 24 థియేటర్లలో మాత్రమే విడుదలైంది. ఆ విషాదం జరిగినప్పటికీ, సినిమా గురించిన ప్రచారం, కథలు ఎంతగా వ్యాపించాయంటే, ప్రజలు తెల్లవారుజామున 4 గంటల నుంచే టికెట్ల కోసం క్యూలలో నిలబడ్డారు.

ఎక్కువ మంది చదివినవి : Tollywood : తొలి సూపర్ స్టార్ కమెడియన్.. ఖరీదైన కారులో ప్రయాణించి.. 44 ఏళ్ళ వయసులోనే రైల్వే స్టేషన్ రోడ్డు మీద అనాథలా..

ఈ సినిమా చూడటానికి థియేటర్‌కు వెళ్లిన ప్రేక్షకుల అరుపులు బయట వరకు వినిపించాయి. ఈ సినిమా చూస్తున్నప్పుడు చాలా మందికి గుండెపోటు వచ్చిందని, కొందరు గర్భిణీ స్త్రీలకు గర్భస్రావాలు జరిగాయని చెబుతున్నారు. థియేటర్ల బయట పోలీసు వ్యాన్‌లు, అంబులెన్స్‌లను నిలపాల్సి వచ్చింది. ఈ చిత్రానికి ‘ప్రపంచంలోనే అత్యంత శాపగ్రస్తమైన చిత్రం’ అనే ముద్ర పడింది. 1973లో విడుదలైన ఈ సినిమా పేరు ‘ది ఎక్సోర్సిస్ట్’. ఈ చిత్రం 20వ శతాబ్దపు అత్యుత్తమ హారర్ క్లాసిక్ చిత్రాలలో ఒకటి. 1969లో విలియం పీటర్ బ్రాటీ రాసిన అదే పేరు గల నవల ఆధారంగా రూపొందించబడింది.ఈ చిత్రం ప్రస్తుతం అమెజాన్ ప్రైమ్ వీడియో లో అందుబాటులో ఉంది.

ఎక్కువ మంది చదివినవి : K. Raghavendra Rao : నా జీవితంలో ఇప్పటికీ ఎప్పటికీ మర్చిపోలేని సాంగ్ అది.. తెలుగు చరిత్రలో ఒక గొప్ప మైలురాయి.. రాఘవేంద్రరావు..

ఎక్కువ మంది చదివినవి :  Cinema : వామ్మో.. ఇదేక్కడి క్రేజ్ భయ్యా.. 3 సీజన్స్.. 33 ఎపిసోడ్స్.. 6 సంవత్సరాలుగా ఓటీటీలో సంచలనం సృష్టిస్తున్న సిరీస్..

సినిమా వార్తల కోసం ఇక్కడ క్లిక్ చేయండి..