LGM OTT: సైలెంట్‌గా ఓటీటీలోకి వచ్చేసిన ధోని మొదటి సినిమా.. ‘ఎల్‌జీఎం’ను ఎక్కడ చూడొచ్చంటే?

LGM Movie

Follow us on

టీమిండియా మాజీ కెప్టెన్‌, లెజెండరీ ఎంఎస్‌ ధోని నిర్మాణ సారథ్యంలో తెరకెక్కిన మొదటి చిత్రం ఎల్‌జీఎమ్‌ (లెట్స్‌ గెట్‌ మ్యారీడ్‌). ధోని ఎంట‌ర్‌టైన్‌మెంట్ ప్రైవేట్‌ లిమిటెడ్‌ బ్యాన‌ర్‌పై సాక్షి ధోని నిర్మించిన ఈ రొమాంటిక్‌ ఎంటర్‌టైనర్‌లో లవ్‌ టుడే ఫేమ్ ఇవానా, హరీష్‌ కల్యాణ్‌ జంటగా నటించారు. నదియా, యోగిబాబు తదితరులు కీలక పాత్రలు పోషించారు. రమేశ్‌ తమిళ్‌‌మణి దర్శకత్వం వహించారు. ఎంఎస్‌ ధోని నిర్మించిన కావడంతో రిలీజ్‌కు ముందు ఎల్‌జీమ్‌ సినిమాపై భారీ అంచనాలు ఉన్నాయి. అయితే వాటిని అందుకోవడంలో ఈ రొమాంటిక్‌ ఎంటర్‌టైనర్‌ ఫెయిల్‌ అయ్యింది. త‌మిళంలో జూలై 28న థియేటర్లలో రిలీజైన ఎల్‌జీఎమ్‌ తెలుగులో మాత్రం ఒక వారం ఆల‌స్యంగా ఆగ‌స్ట్ 4న ప్రేక్షకుల ముందుకు వచ్చింది. అయితే రెండు చోట్ల ఈ సినిమాకు నెగెటివ్‌ టాక్‌ వచ్చింది. బాక్సాఫీస్‌ దగ్గర పెద్దగా వసూళ్లు కూడా రాలేదు. సబ్జెక్టు కొత్త‌గా ఉన్నా, ఎమోషన్స్‌ వర్కవుట్‌ కావడంతో సినిమా ప్లాఫ్‌గా మిగిలింది. ఇదిలా ఉంటే థియేటర్లలో విడుదలైన రెండు నెలల తర్వాత ఓటీటీలోకి వచ్చేసింది ఎల్‌జీఎమ్‌.ప్ర‌ముఖ ఓటీటీ ప్లాట్‌ఫామ్ అమెజాన్ ప్రైమ్ ఎల్‌జీఎమ్‌ డిజిటల్‌ స్ట్రీమింగ్‌ రైట్స్‌ను సొంతం చేసుకుంది. ప్రస్తుతం ఇదే ప్లాట్‌ఫామ్‌లోనే సినిమా స్ట్రీమింగ్‌ అవుతోంది.

ఎల్‌జీఎమ్‌ సినిమా అమెజాన్‌ ప్రైమ్‌లో స్ట్రీమింగ్‌ అవుతున్నట్లు అధికారికంగా ప్రకటించారు మేకర్స్‌. కాగా ప్రస్తుతం ఎల్‌జీఎమ్‌ తమిళ్‌ వెర్షన్‌ మాత్రమే అందుబాటులో ఉంది. తెలుగు వెర్షన్‌ ఇంకా రాలేదు. త్వరలోనే తెలుగులో కూడా ఈ సినిమా రానుందని తెలుస్తోంది. ఈ సినిమాకు డైరెక్టర్‌ రమేష్ తమిళమణినే స్వరాలు సమకూర్చడం విశేషం. ప్రదీప్ ఇ రాఘవ్ ఎడిటర్‌గా వ్యవహరించగా, విశ్వజిత్ ఒడుక్కతిల్ సినిమాటోగ్రఫీ బాధ్యతలు నిర్వర్తించారు. మరి థియేటర్లలో ఎల్‌జీఎమ్‌ సినిమాను మిస్‌ అయ్యారా? ఎంచెక్కా ఓటీటీలో చూసి ఎంజాయ్‌ చేయండి.

అమెజాన్ ప్రైమ్ లో ఎల్ జీ ఎమ్ స్ట్రీమింగ్

ఎం ఎస్ ధోనితో హీరోయిన్ ఇవానా

ఇవానా లేటెస్ట్ ఇన్ స్టా గ్రామ్ ఫొటోస్

మరిన్ని సినిమా వార్తల కోసం ఇక్కడ క్లిక్ చేయండి.