Neymar OTT: ఓటీటీలోకి వచ్చేసిన మరో మలయాళ బ్లాక్ బస్టర్ మూవీ.. ‘నెయ్మార్’ తెలుగు స్ట్రీమింగ్ ఎక్కడంటే?
ఇటీవల రిలీజైన 2018 సినిమా ఎంత సెన్సేషన్ క్రియేట్ చేసిందో ప్రత్యేకంగా చెప్పక్కర్లేదు. ఇప్పుడు మరో మలయాళ బ్లాక్ బస్టర్ మూవీ ఓటీటీలోకి వచ్చేసింది. అదే నెయ్మార్. ఈ పేరు వింటే చాలామందికి బ్రెజిల్ ఫుట్బాల్ జట్టు స్టార్ ప్లేయర్ నెయ్మార్ గుర్తకు వస్తాడు. అయితే ఇదే పేరుతో మలయాళంలో విడుదలైన ఓ చిన్న సినిమా ఏకంగా 50 రోజుల పాటు థియేటర్లలో ఆడి సంచలనం సృష్టించిందీ.
Updated on: Aug 08, 2023 | 6:00 AM
ఓటీటీలో మలయాళ సినిమాలకు ఉన్న క్రేజ్, ఆదరణ గురించి ప్రత్యేకంగా చెప్పక్కర్లేదు. ఆసక్తికరమైన కథా, కథనాలతో కూడిన ఈ మూవీస్ను చూసేందుకు తెలుగు ప్రేక్షకులు కూడా అమితమైన ఆసక్తిని చూపిస్తున్నారు. లవ్, కామెడీ, యాక్షన్, సస్పెన్స్, క్రైమ్, థ్రిల్లర్.. ఇలా అన్ని రకాల జోనర్ల సినిమాలతో అక్కడి డైరెక్టర్లు మాయ చేస్తున్నారు. ఇటీవల రిలీజైన 2018 సినిమా ఎంత సెన్సేషన్ క్రియేట్ చేసిందో ప్రత్యేకంగా చెప్పక్కర్లేదు. ఇప్పుడు మరో మలయాళ బ్లాక్ బస్టర్ మూవీ ఓటీటీలోకి వచ్చేసింది. అదే నెయ్మార్. ఈ పేరు వింటే చాలామందికి బ్రెజిల్ ఫుట్బాల్ జట్టు స్టార్ ప్లేయర్ నెయ్మార్ గుర్తకు వస్తాడు. అయితే ఇదే పేరుతో మలయాళంలో విడుదలైన ఓ చిన్న సినిమా ఏకంగా 50 రోజుల పాటు థియేటర్లలో ఆడి సంచలనం సృష్టించిందీ. బాక్సాఫీస్ వద్ద భారీ వసూళ్లు రాబట్టింది. కేవలం కుక్క చుట్టూ తిరిగే కథతో నెయ్మార్ సినిమాలో మాథ్యూ థామస్, నస్లెన్ కే గఫూర్ ప్రధాన పాత్రలు పోషించారు. థియేటర్లలో బ్లాక్ బస్టర్ హిట్గా నిలిచిన ఈ మూవీ ఇప్పుడు డిజిటల్ స్ట్రీమింగ్కు వచ్చేసింది. మంగళవారం (ఆగస్టు 8) అర్ధరాత్రి నుంచి ప్రముఖ ఓటీటీ ప్లాట్ఫామ్ డిస్నీ ప్లస్ హాట్ స్టార్లో స్ట్రీమింగ్ అవుతోంది. మలయాళంతో పాటు తెలుగు వెర్షన్ కూడా అందుబాటులో ఉంది.
777 చార్లీ తరహాలో..
సుధీ మాడిసన్ దర్శకత్వం వహించిన నెయ్మార్ సినిమా కథ మొత్తం ఒక కుక్క చుట్టూనే తిరుగుతుంది. కొన్ని నెలల క్రితం కన్నడలో రిలీజై ఇండస్ట్రీ హిట్ గా నిలిచిన 777 చార్లీ తరహాలోనే ఎంతో వినోదాత్మకంగా నెయ్మార్ మూవీ తెరకెక్కింది. బ్రెజిల్ ఫుట్బాల్ స్టార్ నెయ్మార్ అభిమానులైన మాథ్యూ థామస్, నస్లెన్ కే గఫూర్ విమానయాన రంగంలో కెరీర్ వెతుక్కోవాలని ప్రయత్నాలు చేస్తుంటారు. అయితే అమ్మాయిలను ఆకట్టుకునేందుకు ఒక కుక్కను కొనుగోలు చేస్తారు. దానికి ముద్దుగా నెయ్మార్ అని పేరు పెడతారు. ఆ కుక్క కారణంగా వారు ఎలాంటి అనుభవాలు ఎదుర్కొన్నారన్నదే మూవీ కథ.
പ്രേക്ഷക മനം കീഴടക്കും ‘നെയ്മർ’ ഇപ്പോൾ ഡിസ്നി പ്ലസ് ഹോട്ട്സ്റ്റാറിൽ#Neymar is now streaming on #DisneyPlusHotstar.
Watch Now – https://t.co/QvxJ3E65kD#Neymarmovie #Pets #TeamNeymar #Sudhimaddison #Vcinemasinternational #PetLovers #StreamingNow #DisneyPlusHotstarMalayalam pic.twitter.com/gnu4HNXvZG
— DisneyPlus Hotstar Malayalam (@DisneyplusHSMal) August 7, 2023
మరిన్ని సినిమా వార్తల కోసం ఇక్కడ క్లిక్ చేయండి.
