OTT Movies: జులైలో ఓటీటీలోకి రానున్న సూపర్ హిట్ సినిమాలివే.. లిస్టులో మోస్ట్ అవైటెడ్ సిరీస్ సీక్వెల్ కూడా..
టీ20 ప్రపంచకప్ ఫీవర్ ముగిసింది. దీంతో ఇక థియేటర్లలోకి పెద్ద సినిమాలు క్యూ కట్టే అవకాశముంది. అదే సమయంలో ఓటీటీల్లోనూ ప్రతి వారం కొత్త సినిమాలు, వెబ్ సిరీస్ లు స్ట్రీమింగ్ కు వస్తూనే ఉన్నాయి. జులైలోనూ పలు సూపర్ హిట్ సినిమాలు, సిరీస్ లూ రిలీజవుతున్నాయి.
Updated on: Jun 30, 2024 | 4:53 PM
టీ20 ప్రపంచకప్ ఫీవర్ ముగిసింది. దీంతో ఇక థియేటర్లలోకి పెద్ద సినిమాలు క్యూ కట్టే అవకాశముంది. అదే సమయంలో ఓటీటీల్లోనూ ప్రతి వారం కొత్త సినిమాలు, వెబ్ సిరీస్ లు స్ట్రీమింగ్ కు వస్తూనే ఉన్నాయి. జులైలోనూ పలు సూపర్ హిట్ సినిమాలు, సిరీస్ లూ రిలీజవుతున్నాయి. అందులో విజయ్ సేతుపతి వంద కోట్ల మూవీ మహారాజ, అలాగే శర్వానంద్ మనమే వంటి ఆసక్తికర సినిమాలు ఉన్నాయి. ఇక చాలా మంది ఎదురుచూస్తోన్న మీర్జాపూర్ వెబ్ సిరీస్ మూడో సీజన్ కూడా జూలై నెలలోనే స్ట్రీమింగ్ కు రానుంది. వీటితో పాటు జులైలో వివిధ ఓటీటీ ప్లాట్ ఫామ్స్ లో స్ట్రీమింగ్ కు రానున్న సినిమాలు, సిరీస్ లపై ఒక లుక్కేద్దాం రండి.
మహారాజ
విజయ్ సేతుపతి హీరోగా నటించిన మహారాజ చిత్రం బ్లాక్‍బస్టర్ టాక్ తో దూసుకెళుతోంది. జూన్ 14న థియేటర్లలో విడుదలైన ఈ యాక్షన్ సస్పెన్స్ థ్రిల్లర్ ఇ్పటికే 100కోట్ల రూపాయల కలెక్షన్లన అధిగమించింది. తమిళంతో పాటు తెలుగులోనూ భారీ వసూళ్లను రాబట్టింది. మహారాజ చిత్రం జూలైలోనే నెట్‍ఫ్లిక్స్ లో స్ట్రీమింగ్ కానుందని సమాచారం. జూలై మూడో వారంలో ఈ సినిమా ఓటీటీలోకి అందుబాటులోకి రావొచ్చు.
మనమే
శర్వానంద్, కృతి శెట్టి హీరో, హీరోయిన్లుగా నటించిన చిత్రం ‘మనమే’. జూన్ 7వ తేదీన థియేటర్లలో రిలీజైన ఈ మూవీ ఫ్యామిలీ ఆడియెన్స్ ను బాగానే ఆకట్టుకుంది. ఈ మూవీ జూలై నెలలోనే ఓటీటీలో స్ట్రీమింగ్‍కు అందుబాటులోకి వచ్చే అవకాశముంది. ఓటీటీ ప్లాట్‍ఫామ్‍పై మేకర్స్ నుంచి త్వరలోనే అధికారిక ప్రకటన వచ్చే అవకాశం ఉంది.
కకుడా
రితేశ్ దేశ్‍ముఖ్, సోనాక్షి సిన్హా, షాకిబ్ సలీమ్ మూవీలో ప్రధాన పాత్రలు పోషించిన ‘కకుడా’ సినిమా డైరెక్టుగా ఓటీటీలోకి రానుంది. ఈ హారర్ కామెడీ మూవీ జూలై 12వ తేదీన జీ5 ఓటీటీ ప్లాట్‍ఫామ్‍లో స్ట్రీమింగ్ కానుంది.
మీర్జాపూర్ సీజన్ 3
ఇక ఓటీటీ ఆడియెన్స్ ఎంతో కాలంఆ ఎదురుచూస్తున్న మీర్జాపూర్ మూడో సీజన్ జులై నెలలోనే స్ట్రీమింగ్ కు రానుంది. ప్రముఖ ఓటీటీ ప్లాట్ ఫామ్ అమెజాన్ ప్రైమ్ వీడియోలో జులై 5 నుంచి సూపర్ హిట్ సిరీస్ సీక్వెల్ స్ట్రీమింగ్ కు రానుంది. మొదటి రెండు సీజన్లు సూపర్ హిట్ కావడంతో మూడో సీజన్ పై మంచి బజ్ క్రియేట్ అయ్యింది.
ఇవి కూడా..
పవన్ సిద్ధు, సోనియా సింగ్ ల శశిమథనం తెలుగు వెబ్ సిరీస్ జూలై 4వ తేదీ నుంచి ఈటీవీ విన్ ఓటీటీ ప్లాట్‍ఫామ్‍లో స్ట్రీమింగ్‍కు రానుంది. అలాగే వైల్డ్ వైల్డ్ పంజాబ్ (అమెజాన్ ప్రైమ్ వీడియో), మలయాళీ ఫ్రమ్ ఇండియా (సోనీ లివ్) తదితర సినిమాలు, సిరీస్ లు కూడా జులై నెలలోనే స్ట్రీమింగ్ కు రానున్నాయి.
Note: ఇవి కాక కొన్ని ఓటీటీ సంస్థలు అప్పటికప్పుడు కొత్త సినిమాలు, సిరీస్ లను స్ట్రీమింగ్ కు తీసుకువచ్చే అవకాశముంది.
మరిన్ని సినిమా వార్తల కోసం ఇక్కడ క్లిక్ చేయండి.
