OTT: ఓటీటీలోకి వచ్చేసిన హాలీవుడ్ యాక్ష‌న్ అడ్వెంచర్ థ్రిల్లర్.. స్ట్రీమింగ్ ఎందులోనంటే?

హాలీవుడ్ సినిమాలు చూసే వారికి సూపర్‌ హిట్‌ ఫ్రాంచైజీ ‘మ్యాడ్‌ మ్యాక్స్‌’ గురించి తెలిసే ఉంటుంది. యాక్షన్, అడ్వెంచర్ అండ్ సర్వైవల్ జానర్ లో వచ్చిన ఈ సినిమాలు సినీ ప్రేక్షకులను బాగా ఆకట్టుకున్నాయి. 1979లో ‘మ్యాడ్‌ మ్యాక్స్‌’ పేరుతో మొదటి సినిమా వచ్చింది. ఆ తర్వాత 1981లో మ్యాడ్ మ్యాక్స్ 2 (ది రోడ్ వారియర్). 1985లో మ్యాడ్ మ్యాక్స్ 3 (బియాండ్‌ థండర్‌ డోమ్‌), 2015లో మ్యాడ్ మ్యాక్స్ (ఫ్యూరీ రోడ్).. ఇలా మొత్తం నాలుగు సినిమాలు ఈ ఫ్రాంఛైజీలో వచ్చాయి. అన్ని సినిమాలు ప్రపంచవ్యాప్తంగా సినీ అభిమానులను విశేషంగా అలరించాయి. ఈ సూపర్ హిట్ ఫ్రాంఛైజీ నుంచి వచ్చిన మరో సినిమానే ఫ్యూరియోసా: ఏ మ్యాడ్‌ మ్యాక్స్‌ సాగా. 2015 లో వ‌చ్చిన మ్యాడ్ మ్యాక్స్ (ఫ్యూరీ రోడ్) సినిమాకు ప్రీక్వెల్‌గా ఈ మూవీ తెరకెక్కింది. ఈ ఫ్రాంఛైజీ మొదటి మూడు భాగాలలో మెల్‌ గిబ్సన్‌ హీరోగా నటించగా నాలుగో చిత్రం ‘మ్యాడ్‌ మ్యాక్స్‌: ఫ్యూరీ రోడ్‌ నుంచి టామ్‌ హార్డీ హీరోగా నటించారు. మే 23న ప్రపంచ వ్యాప్తంగా ప్రేక్షకుల ముందుకు వచ్చిన ఫ్యూరియోసా: ఏ మ్యాడ్‌ మ్యాక్స్‌ సాగా సూపర్ హిట్ గా నిలిచింది. హాలీవుడ్ బాక్సాఫీస్ వద్ద మంచి వసూళ్లనే రాబట్టింది. ఇప్పుడీ సూపర్ హిట్ సినిమా సైలెట్ గా ఓటీటీలోకి వచ్చేసింది. ఈ మూవీ డిజిటల్ స్ట్రీమింగ్ హక్కులను ప్రముఖ ఓటీటీ సంస్థ అమెజాన్ ప్రైమ్ వీడియో సొంతం చేసుకుంది. ఈ నేపథ్యంలో శుక్రవారం (జులై 05) అర్ధరాత్రి నుంచే ఫ్యూరియోసా సినిమాను స్ట్రీమింగ్ కు అందుబాటులోకి తీసుకొచ్చింది.

అయితే ప్రస్తుతం ఈ సినిమా కేవలం రెంటల్ బేసిస్ లో మాత్రమే అందుబాటులో ఉంది. త్వరలోనే అమెజాన్ ప్రైమ్ యూజర్లకు ఉచితంగా చూసే అవకాశం రానుంది. మొదటి నాలుగు సినిమాలను తెరకెక్కించిన అస్ట్రేలియన్ డైరెక్ట‌ర్ జార్జ్ మిల్లర్ ఫ్యూరియోసా: ఏ మ్యాడ్‌ మ్యాక్స్‌ సాగా కు కూడా దర్శకత్వం వహించారు. ఇందులో థోర్ ఫేమ్ క్రిస్ హెమ్స్ వర్త్ హీరోగా నటించాడు. ది మెన్ మూవీ ఫేమ్ అన్యా టేలర్, చార్లస్ థెరన్ ప్రధాన పాత్రలు పోషించారు. ఈ ఫ్రాంఛైజీలో ఐదో భాగం మ్యాడ్ మ్యాక్స్ (ది వేస్ట్ ల్యాండ్) షూటింగ్ త్వరలోనే ప్రారంభం కానుంది.

ఇవి కూడా చదవండి

బిగ్‌బాస్‌లోకి వేణు స్వామి! ఇక హౌజ్‌లో రచ్చ రచ్చే!

ఓటీటీ ఆడియెన్స్ గెట్ రెడీ.. వీకెండ్‌లో సినిమాలే సినిమాలు..లిస్ట్

'బేబీ నాగులపల్లి కమింగ్'.. శుభవార్త చెప్పిన 'బ్రహ్మముడి' మానస్

ఈ పాపను గుర్తు పట్టారా? టాలీవుడ్‌ మోస్ట్ వాంటెడ్ హీరోయిన్..

Careful who you meet in the wasteland. Furiosa: A Mad Max Saga is now available for purchase or rent on @PrimeVideo. pic.twitter.com/4ZbSXId8BP

— Prime Movies (@primemovies) July 3, 2024

మరిన్ని సినిమా వార్తల కోసం ఇక్కడ క్లిక్ చేయండి.