Cinema : ఏడాది క్రితం చెత్త సినిమా అన్నారు.. కట్ చేస్తే.. ఇప్పుడు సోషల్ మీడియాలో టాప్ ట్రెండింగ్..
సాధారణంగా భారీ అంచనాల మధ్య విడుదలైన సినిమాలు థియేటర్లలో అట్టర్ ప్లాప్ అయిన సందర్భాలు చాలానే ఉన్నాయి. స్టార్ హీరోహీరోయిన్స్, భారీ బడ్జెట్ ఉన్నప్పటికీ ఊహించని రిజల్ట్ అందుకున్న చిత్రాల గురించి చెప్పక్కర్లేదు. ఇప్పుడు మనం మాట్లాడుకుంటున్న ఓ సినిమా 2025 ఫిబ్రవరిలో విడుదలై బాక్సాఫీస్ వద్ద ఘోరంగా పరాజయం పాలైంది. కానీ ఇప్పుడు ఓటీటీలో విడుదలైన తర్వాత మాత్రం అనుహ్యంగా మంచి విజయాన్ని అందుకుంది. ఇంతకీ ఆ సినిమా ఏంటో తెలుసుకుందామా.
Updated on: Apr 25, 2026 | 4:12 PM
ఇటీవల కాలంలో కొన్ని సినిమాలు బాక్సాఫీస్ వద్ద ఫ్లాప్ అయినప్పటికీ, డిజిటల్ ప్లాట్ఫామ్లలో విడుదలైనప్పుడు రాత్రికి రాత్రే సంచలనం సృష్టించడం మనం తరచుగా చూస్తుంటాం. ఒక యాక్షన్-మ్యూజికల్ చిత్రం విషయంలో సరిగ్గా ఇదే జరిగింది. గత సంవత్సరం విడుదలైన ఈ చిత్రం అప్పుడు డిజాస్టర్ అయ్యింది. కానీ ఇప్పుడు అదే సినిమా ఓటీటీ ప్లాట్ఫామ్లలో సంచలనం సృష్టిస్తోంది. 2025లో వచ్చిన ఈ సినిమా ఘోరంగా పరాజయం పాలైంది, కానీ సుమారు 14 నెలల తర్వాత అది ఓటీటీ ప్లాట్ఫామ్లలోకి వచ్చినప్పుడు ప్రేక్షకులు దాన్ని ఆదరించారు. ఇప్పుడు అది టాప్ ట్రెండింగ్ సినిమాగా నిలిచింది. మనం మాట్లాడుకుంటున్న ఆ సినిమా పేరు “బ్యాడ్ యాస్ రవి కుమార్,” ఇందులో బాలీవుడ్ స్టార్ హిమేష్ రేషమ్మియా ప్రధాన పాత్రలో నటించారు.
ఎక్కువమంది చదివినవి : Srikanth-Ooha : ఏంటీ.. ఆ స్టార్ నటుడు ఊహ మేనమామనా..? 100 సార్లు ఉత్తమ నటుడు.. తెలుగు వారికి సుపరిచితమే..
కథ విషయానికి వస్తే.. ఈ కథ 1989వ సంవత్సరంలో జరుగుతుంది. ఈ సినిమా ప్రధాన పాత్రలో నటించిన రవి కుమార్, సస్పెండ్ చేయబడిన ఒక నిర్భయమైన ఢిల్లీ పోలీస్ అధికారి. అతని శైలి ఎంత విలక్షణంగా ఉంటుందో, అంతే ప్రమాదకరంగా కూడా ఉంటుంది. ఒక ప్రత్యేక మిషన్ మీద అతన్ని తిరిగి విధుల్లోకి పిలిచినప్పుడు కథ మలుపు తీసుకుంటుంది. దొంగిలించబడిన ఒక ఫిల్మ్ రీల్ను తిరిగి పొందడమే ఈ మిషన్ లక్ష్యం. ఇది వినడానికి చిన్న విషయంగా అనిపించవచ్చు, కానీ ఆ రీల్లో భారతదేశపు అగ్రశ్రేణి రహస్య ఏజెంట్ల సమాచారం, క్షిపణి కోడ్లు ఉన్నాయి. ఆ రీల్ను తిరిగి తీసుకురావడానికి రవికుమార్ మస్కట్కు వెళ్తాడు, అక్కడ అతనికి కార్లోస్ పెడ్రో పాంథర్ అనే ఒక క్రూరమైన విలన్ ఎదురవుతాడు.
ఎక్కువమంది చదివినవి : Actress Raashi: ఆ హీరోయిన్ గురించి గొప్పగా చెప్పిన రాశి.. తన పెళ్లికి వారం రోజుల ముందే మరణించిందంటూ ఎమోషనల్..
ఆ తర్వాత ఏం జరిగింది ? అనేది సినిమా. ఇందులో కొరియోగ్రాఫర్, దర్శకుడు ప్రభుదేవా ప్రతినాయకుడి పాత్ర పోషించారు. ఆయనతో పాటు, కీర్తి కులహరి, జానీ లీవర్, సౌరభ్ సచ్దేవా, సంజయ్ మిశ్రా, మనీష్ వాధ్వా వంటి నటులు కీలక పాత్రలు పోషించారు. ఈ చిత్రానికి కీత్ గోమ్స్ దర్శకత్వం వహించారు. ఈ చిత్రాన్ని రూ.20 కోట్లతో నిర్మించగా.. తొలిరోజు ఇది సుమారు రూ.3.52 కోట్లు వసూలు వసూలు చేసింది. దేశవ్యాప్తంగా కేవలం రూ.10 కోట్లు మాత్రమే వసూలు చేసింది. ఈ సినిమాకు హిమేష్ రెషమ్మియా సంగీతం అందించారు. ప్రస్తుతం ఈ సినిమా జియో హాట్ స్టార్ లో విడుదలైంది. జియోహాట్స్టార్ టాప్ 10 జాబితాలో ‘బాడాస్ రవికుమార్’ 7వ స్థానంలో ట్రెండింగ్లో ఉంది. థియేటర్లలో ప్లాప్ అయ్యింది కానీ ఓటీటీలో మాత్రం దూసుకుపోతుంది.
ఎక్కువమంది చదివినవి : Monalisa : మోనాలిసా ప్రేమకథలో మరో భారీ ట్విస్ట్.. అప్పట్లో కుంభమేళా సుందరి.. ఇప్పుడు గర్భిణి!
