Radhe Shyam: డార్లింగ్ ఫ్యాన్స్‌కు పండగలాంటి వార్త.. రాధేశ్యామ్‌ ఓటీటీలో వచ్చేది ఆ రోజే.. అధికారిక ప్రకటన..
Radhe Shyam OTT: ప్రభాస్‌ (Prabhas), పూజా హెగ్డేలు (Pooja Hegde) జంటగా తెరకెక్కిన ఈ సినిమా రాధేశ్యామ్‌. మార్చి 11న ఈ సినిమా ప్రపంచవ్యాప్తంగా పలు భాషల్లో విడుదలైన విషయం తెలిసిందే. ఎన్నో అంచనాల మధ్య విడుదలైన ఈ సినిమా ఆశించిన స్థాయిలో విజయాన్ని అందుకోలేకపోయింది...
Radhe Shyam OTT: ప్రభాస్‌ (Prabhas), పూజా హెగ్డేలు (Pooja Hegde) జంటగా తెరకెక్కిన ఈ సినిమా రాధేశ్యామ్‌. మార్చి 11న ఈ సినిమా ప్రపంచవ్యాప్తంగా పలు భాషల్లో విడుదలైన విషయం తెలిసిందే. ఎన్నో అంచనాల మధ్య విడుదలైన ఈ సినిమా ఆశించిన స్థాయిలో విజయాన్ని అందుకోలేకపోయింది. ప్రభాస్‌ లాంటి యాక్షన్‌ హీరో నుంచి క్లాస్‌ మూవీని ఊహించకపోవడం, సినిమా క్లాస్‌ ఆడియన్స్‌ను టార్గెట్‌ చేసుకొని రావడంతో అన్ని వర్గాల ప్రేక్షకులను ఆకట్టుకోలేకపోయింది. అయితే కొన్ని వర్గాల ప్రేక్షకులకు మాత్రం సినిమాకు ఫిదా అయ్యారు. విడుదలైన తొలి నాళ్లలో నెగిటివ్‌ టాక్‌ వచ్చినా ఆ తర్వాత నెమ్మదిగా కొన్ని వర్గాల్లో పాజిటివ్‌ బజ్‌ వచ్చిందని చెప్పాలి.
ఇదిలా ఉంటే ఈ సినిమా విడుదలై నెల రోజులు కూడా గడవక ముందే ఓటీటీలో రానుంది. నిజానికి మూడు నెలల వరకు ఓటీటీలో విడుదల చేయకూడదని మొదట్లో చిత్ర యూనిట్ భావించింది. అయితే మిక్స్‌డ్‌ టాక్‌ రావడం, అంతలోనే ఆర్‌.ఆర్‌.ఆర్‌ థియేటర్లలోకి రావడంతో చిత్ర యూనిట్ అనుకున్న సమయాని కంటే ముందుగానే ఓటీటీలోకి వచ్చేందుకు సిద్ధమైంది. తాజాగా ఈ సినిమాను ఏప్రిల్‌ 1 నుంచి అమెజాన్‌ ప్రైమ్‌లో విడుదల చేయనున్నట్లు ప్రకటించారు. ఈ విషయాన్ని తెలియజేస్తూ అమెజాన్‌ కొత్త ట్రైలర్‌ను విడుదల చేసింది.
జ్యోతిష్యం, డెస్టినీ అనే విభిన్న కథాంశంతో తెరక్కిందే ఈ రాధేశ్యామ్‌. విధిని ఎదురించే శక్తి ప్రేమకు మాత్రమే ఉందన్న విషయాన్ని దర్శకుడు చెప్పే ప్రయత్నం చేశాడు. భారీ బడ్జెట్‌తో తెరకెక్కిన రాధేశ్యామ్‌ విజువల్‌ పరంగా ప్రేక్షకులను ఆకట్టుకుంది. ముఖ్యంగా విదేశాల్లో చిత్రీకరించిన సన్నివేశాలు ఆడియన్స్‌ను మెస్మరైజ్‌ చేశాయి. మరి డిజిటల్‌ స్క్రీన్‌పై స్ట్రీమింగ్ కానున్న ఈ సినిమాకు ఎలాంటి ఆదరణ లభిస్తుందో చూడాలి.
Beauty Tips: అవిసెగింజలతో అందానికి మెరుగులు.. ఇలా చేసి చూడండి..!
