OTT Movie: పాడుబడిన ఆస్పత్రిలో వరుస హత్యలు.. ఓటీటీలో హారర్ క్రైమ్ థ్రిల్లర్.. ట్విస్టులకు మెంటలెక్కిపోద్ది

OTT Movie

ఓటీటీల్లో కొన్ని జానర్ సినిమాలకు మంచి ఆదరణ ఉంటుంది. మరీ ముఖ్యంగా హార్రర్, థ్రిల్లర్, క్రైమ్, సస్పెన్స్ జానర్ సినిమాలకు సపరేట్ ఫ్యాన్ బేస్ ఉంటుంది. ఈ జానర్ సినిమాలు థియేటర్లలో ఆడకపోయినా ఓటీటీలో మాత్రం ఓ రేంజ్ లో హిట్ అవుతుంటాయి. ఇప్పుడు మనం చెప్పుకోబోయే సినిమా కూడా సరిగ్గా ఇదే కోవకు చెందుతుంది. ఇదొక తెలుగు హారర్ థ్రిల్లర్ మూవీ. ఈ సినిమా థియేటర్లలో రిలీజైనప్పుడు పెద్దగ ఆడలేదు. స్టార్ క్యాస్టింగ్ లేకపోవడం, పెద్దగా ప్రమోషన్లు లేకపోవడం, దీనికి తోడు ఇదే మూవీ రిలీజ్ సమయంలో మరికొన్ని సినిమాలు రిలీజ్ కావడంతో ఈ మూవీ థియేటర్లలో జస్ట్ యావరేజ్ గా నిలిచింది. అయితే కంటెంట్ పరంగా ఈ సినిమాకు మంచి పేరొచ్చింది. ఆకట్టుకునే కథా కథనాలు, ఉత్కంఠ సన్నివేశాలు, గ్రిప్పింగ్ స్క్రీన్ ప్లే, అద్దిరిపోయే ట్విస్టులు ఆడియెన్స్ కు మంచి థ్రిల్ అందించాయి.
ఈ సినిమా కథ విషయానికి వస్తే..విక్రమ్ అనే యువకుడు అను అనే అమ్మాయిని ప్రేమిస్తాడు. అయితే ఆ ఊరిలో కొన్ని వింత సంఘటనలు జరుగుతాయి. కాలిపోయి పాడుబడిన ఆస్పత్రిలో వరుసగా హత్యలు జరుగుతుంటాయి. ఈ సీరియల్ మర్డర్స్ వెనక మిస్టరీ తెలుసుకోవాలని విక్రమ్ ఆసక్తి చూపిస్తాడు. అదే సమయంలో ఓ డిటెక్టివ్ కూడా ఈ మిస్టరీ మర్డర్స్ ను విచారిస్తుంటాడు.

ఇద్దరు కలిసి ఆ పాడుబడిన ఆస్పత్రి గతం గురించి కొన్ని షాకింగ్ విషయాలు తెలుసుకుంటారు. ఆ ఊరిలో జరిగిన కొన్ని పాత సంఘటనలకు ఈ మర్డర్స్ కు లింక్ ఉందని కనిపెడతారు. మరి ఆ వరుస హత్యలు ఎవరు చేశారు? ఎందుకు చేశారు? హీరో ఈ మర్డర్ మిస్టరీని ఎలా ఛేదించాడు? అనే విషయాలు తెలుసుకోవాలంటే ఈ మర్డర్ మిస్టరీ థ్రిల్లర్ సినిమాను చూడాల్సిందే.

ఆద్యంతం ఉత్కంఠ కలిగించే సన్నివేశాలతో సాగే ఈ సినిమా పేరు అన్వేషి. ఈ మూవీ పాతదే అయినా మంచి హారర్ క్రైమ్ థ్రిల్లర్ సినిమాలను చూడాలనుకునేవారికి ఒక మంచి ఛాయిస్. వి.జే. ఖన్నా తెరకెక్కించిన ఈ మూవీలో తెలుగమ్మాయి అన్వేషి ఇందులో ప్రధాన పాత్ర పోషించింది. విజయ్ ధరణ్, సింమ్రాన్ గుప్తా, ప్రకాష్ జావేద్ ప్రధాన పాత్రల్లో నటించారు. ప్రస్తుతం ఈ సినిమా అమెజాన్ ప్రైమ్ వీడియోలో స్ట్రీమింగ్ అ వుతోంది.

అమెజాన్ ప్రైమ్ లో స్ట్రీమింగ్..

మరిన్ని సినిమా వార్తల కోసం ఇక్కడ క్లిక్ చేయండి.