Sarkaar Season 5: సుడిగాలి సుధీర్ సర్కార్ గేమ్ షో సక్సెస్ పార్టీ.. ప్రోమో చూశారా..?

ప్రముఖ తెలుగు ఓటీటీ ప్లాట్ ఫామ్ లో సుడిగాలి సుధీర్ హోస్టింగ్ చేస్తున్న షో సర్కార్ సీజన్ 5. ఇప్పటివరకు ఈ షో విజయవంతంగా స్ట్రీమింగ్ అయిన సంగతి తెలిసిందే. ఆహాలో సక్సెస్ అయిన షోలలో సర్కార్ ఒకటి. . సెలబ్రిటీలతో క్విజ్ లాంటి గేమ్ కాన్సెప్ట్ తో సాగే ఈ షో ఎప్పటిలాగే తనదైన కామెడీ టైమింగ్, సెలబ్రెటీల సందడితో ఆద్యంతం ప్రేక్షకులను ఆకట్టుకుంది. దీంతో ఈ షోకు మొదటి నుంచి టాప్ రేటింగ్స్ వచ్చాయి. సర్కార్ మొదటి మూడు సీజన్స్ ప్రదీప్ మాచిరాజు యాంకరింగ్ చేయగా.. నాలుగో సీజన్ నుంచి సుడిగాలి సుధీర్ ఫుల్ జోష్ తో హోస్టింగ్ చేస్తున్నారు. ఇప్పటివరకు నాలుగు సీజన్స్ కంప్లీట్ అయిన ఈ షో.. ఇప్పుడు సీజన్ 5 సైతం విజయవంతంగా పూర్తైంది. జూన్ 6 నుంచి ప్రారంభమైన ఈ షోకు ఇప్పిటవరకు మంచి రెస్పాన్స్ వచ్చింది. తాజాగా ఈ షో సక్సెస్ పార్టీ నిర్వహించారు. ఇందుకు సంబంధించిన ప్రోమోను ఆహా విడుదల చేసింది.