Venkatesh: బాలకృష్ణ బాటలోనే వెంకటేష్.. రియాలిటీ షోకు హోస్ట్‏గా చేయనున్న వెంకీ ?

Venkatesh: బాలకృష్ణ బాటలోనే వెంకటేష్.. రియాలిటీ షోకు హోస్ట్‏గా చేయనున్న వెంకీ ?
Venkatesh

వెండితెరపై తమ సత్తా చూపి స్టార్ హీరోలుగా ఉన్నవారు ఇప్పుడు బుల్లితెరపై మనసు పారేసుకుంటున్నారు. ఓవైపు బ్లాక్ బస్టర్ హిట్

Rajitha Chanti

|

Jan 19, 2022 | 11:49 AM

వెండితెరపై తమ సత్తా చూపి స్టార్ హీరోలుగా ఉన్నవారు ఇప్పుడు బుల్లితెరపై మనసు పారేసుకుంటున్నారు. ఓవైపు బ్లాక్ బస్టర్ హిట్ చిత్రాలతో దూసుకుపోతూనే మరోవైపు తమలోని మరో కోణాన్ని ప్రేక్షకుల ముందుకు తీసుకువస్తున్నారు. విలన్స్‏ను రఫ్పాడించే హీరోలుగానే కాకుండా.. తమదైన కామెడీ పంచులతో ప్రేక్షకులను అలరించేందుకు యాంకర్స్‏గా మారిపోతున్నారు. ఇప్పటికే బాలీవుడ్, టాలీవుడ్, కోలీవుడ్ ఇండస్ట్రీలలో పలువురు స్టార్ హీరోలు వ్యాఖ్యతలుగా మారి సక్సెస్ అయిన సంగతి తెలిసిందే. సల్మాన్ ఖాన్, బాలకృష్ణ, కమల్ హాసన్ వంటి అగ్రకథానాయకులు బుల్లితెరపై హోస్ట్‏గా తమ సత్తా చాటుతున్నారు. ఇప్పుడు వీరి జాబితాలోకి మరో స్టార్ హీరో రాబోతున్నట్లుగా ఫిల్మ్ సర్కిల్లో టాక్ నడుస్తోంది.

టాలీవుడ్ అగ్రకథానాయకులలో ఒకరైన వెంకటేష్ ఇప్పుడు వరుస చిత్రాలతో బిజీగా ఉన్నారు. ప్రస్తుతం వెంకీ ఎఫ్ 3 మూవీ చేస్తున్న సంగతి తెలిసిందే. అంతేకాకుండా.. రానాతో కలిసి ఓ వెబ్ సిరీస్ కూడా చేస్తున్నాడు. ఇదిలా ఉంటే .. తాజా సమచారం ప్రకారం వెంకీ హోస్ట్‏గా మారబోతున్నాడట. ఎప్పటికప్పుడు సరికొత్త సినీ కంటెంట్.. సస్పెన్స్ థ్రిల్లర్ వెబ్ సిరీస్.. ఉత్సాహాన్నిచ్చే గేమ్ షోస్.. టాక్ షోలతో డిజిటల్ ప్లాట్ ఫాంలో దూసుకుపోతుంది ఆహా. ఈ క్రమంలోనే ఎవరు ఊహించని విధంగా నందమూరి నటసింహం బాలకృష్ణ వ్యాఖ్యతగా ఆహాలో అన్‏స్టాపబుల్ విత్ ఎన్బీకే టాక్ షో నిర్వహిస్తున్నారు. ఈ టాక్ షో భారీ స్థాయిలో సక్సెస్ అయ్యింది.

ఈ క్రమంలోనే ఆహాలో మరో రియాలిటీ షో రాబోతుందట.. అంతేకాదు. ఈ షోకు వెంకటేష్ వ్యాఖ్యతగా వ్యవహించనున్నారని టాక్ నడుస్తోంది. అయితే ఇందుకు సంబంధించి ఎలాంటి అధికారిక ప్రకటన రాలేదు. ప్రస్తుతం వెంకీతో ఇదే విషయంపై చర్చిస్తున్నారట మేకర్స్. మరీ ఇందుకు వెంకటేష్ ఒప్పుకున్నారా ? లేదా అనేది తెలియాలంటే ఇంకా కొన్ని రోజులు వెయిట్ చేయాల్సిందే.

Also Read: Anasuya Bharadwaj : నెటిజన్ అడిగిన ప్రశ్నకు దిమ్మతిరిగే ఆన్సర్ ఇచ్చిన అనసూయ.. ఇంతకు అతడు ఏమడిగాడంటే..

Bangarraju: జ‌గ‌న్ మోహ‌న్ రెడ్డికి కృత‌జ్ఞ‌త‌లు.. బంగార్రాజు స‌క్సెస్ మీట్‌లో నాగార్జున ఆస‌క్తిక‌ర‌మైన కామెంట్స్‌..

Sneha: సంక్రాంతి సంబరాల్లో హీరోయిన్ స్నేహ ఫ్యామిలీ.. సోషల్ మీడియాలో ఎట్రాక్ట్ చేస్తున్న ఫొటోస్..

Follow us on

Related Stories

Most Read Stories

Click on your DTH Provider to Add TV9 Telugu