షూటింగ్‌ స్టార్ట్‌ చేసిన నాని..!

Nani Tuck Jagadish: టాలీవుడ్‌లో మూవీ షూటింగ్‌లు మళ్లీ మొదలయ్యాయి. లాక్‌డౌన్ సడలింపుల్లో భాగంగా జూన్‌ నెలలోనే సినిమా షూటింగ్‌లకు ప్రభుత్వం గ్రీన్ సిగ్నల్ ఇచ్చినప్పటికీ.. రోజురోజుకు కేసులు పెరుగుతుండటంతో ఒకరు, ఇద్దరు మినహా ఎవ్వరూ సెట్స్‌పైకి వెళ్లే సాహసం చేయలేదు. అయితే ఇటీవల కాలంలో కేసుల సంఖ్య తగ్గుతుండటం, రికవరీ రేటు ఎక్కువగా ఉండటంతో.. నిదానంగా ఒక్కొక్కరు సెట్స్ మీదకు వెళుతున్నారు. ఈ క్రమంలో నాగ చైతన్య, సాయి ధరమ్ తేజ్, వైష్ణవ్ తేజ్‌ తదితరులు ఇప్పటికే షూటింగ్‌లను ప్రారంభించేశారు. భారీ బడ్జెట్ చిత్రం ఆర్‌ఆర్‌ఆర్‌ షూటింగ్‌ కూడా ఇవాళ్టి నుంచి ప్రారంభం కానుంది. ఈ నేపథ్యంలో నాచురల్ స్టార్ నాని కూడా సెట్స్‌పైకి వెళ్లారు.

లాక్‌డౌన్ ముందు నాని, శివ నిర్వాణ దర్శకత్వంలో టక్‌ జగదీష్‌లో నటిస్తుండగా.. ఈ మూవీ షూటింగ్‌ తిరిగి ప్రారంభమైంది. కొవిడ్ నిబంధనలకు అనుగుణంగా హైదరాబాద్‌లో షూటింగ్‌లో పాల్గొన్నారట నాని. ఈ షెడ్యూల్ ముగిసిన తరువాత ఏపీలోని తూర్పు గోదావరికి వెళ్లనున్నట్లు సమాచారం. కాగా రొమాంటిక్ ప్రేమ కథగా తెరకెక్కుతున్న ఈ సినిమాలో రీతూ వర్మ, ఐశ్వర్య రాజేష్ హీరోయిన్లుగా నటిస్తున్నారు. షైన్ స్క్రీన్స్‌ తెరకెక్కిస్తోన్న ఈ మూవీకి థమన్ సంగీతం అందిస్తున్నారు. అయితే ఇటీవల నాని నటించిన ‘వి’ మూవీ అమెజాన్‌ ప్రైమ్‌లో విడుదల కాగా.. మిక్స్‌డ్‌ టాక్‌ తెచ్చుకుంది. దీంతో టక్ జగదీష్‌తో మళ్లీ పెద్ద విజయాన్ని సాధించాలని నాని భావిస్తున్నారు.

Read More:

గ్రామాల్లో ఇంటింటికి కుళాయి కనెక్షన్లు.. నిధుల విడుదలకు ఏపీ సర్కార్ ఉత్తర్వులు

ఖమ్మంలో ‘దిశ’ ఘటన.. మృత్యువుతో పోరాటం చేస్తోన్న మైనర్ బాలిక