Bigg Boss 4: షాకింగ్ న్యూస్‌.. ఫైనల్ ఎపిసోడ్‌లకి నాగార్జున ఉండరా..!

Bigg Boss 4 Nagarjuna: బుల్లితెరపై బిగ్‌బాస్‌ 4 విజయవంతంగా కొనసాగుతోంది. ఈ సీజన్‌లో యాంకర్లు, యూట్యూబర్లు ఎక్కువగా ఉన్నప్పటికీ.. అభిమానులకు కావాల్సిన ఎంటర్‌టైన్‌మెంట్‌ని వారు ఇస్తున్నారు. ఇక హోస్ట్‌గా నాగార్జున అదరగొట్టేస్తున్నారు. ఈ షోను చూస్తున్న అందరూ వ్యాఖ్యతగా నాగ్‌ బాగా చేస్తున్నారంటూ కితాబిస్తున్నారు. ఇలాంటి సమయంలో ఈ షోకు, నాగార్జునకు సంబంధించిన ఓ వార్త టాలీవుడ్‌ వర్గాల్లో చక్కర్లు కొడుతోంది. అదేంటంటే ఈ సీజన్‌ ఫైనల్‌ ఎపిసోడ్‌లలో నాగార్జున కనిపించరని.

ఓ వైపు బిగ్‌బాస్‌కి వ్యాఖ్యతగా వ్యవహరిస్తూనే మరోవైపు సోలోమన్ దర్శకత్వంలో వైల్డ్ డాగ్‌ చిత్రీకరణలో పాల్గొంటూ వచ్చారు నాగార్జున. ఇక ఈ మూవీకి సంబంధించిన హైదరాబాద్‌ షూటింగ్‌ మొత్తం పూర్తి అయ్యిందట. కథానుగుణంగా ఓ లాంగ్‌ షెడ్యూల్‌ని థాయ్‌లాండ్‌లో చేయాలట. మార్చిలోనే అక్కడకు వెళ్లాలని భావించినప్పటికీ, కరోనా నేపథ్యంలో ఆ షెడ్యూల్‌ వాయిదా పడింది. ఇక ఇప్పుడు మిగిలిన షూటింగ్ పూర్తి అవ్వడంతో థాయ్‌లాండ్‌కి వెళ్లాలని చిత్ర యూనిట్ భావిస్తోందట. ఈ నేపథ్యంలో చివరి ఎపిసోడ్‌లకు నాగార్జున కనిపించరని సమాచారం. దీనిపై బిగ్‌బాస్‌ నిర్వాహకులతో నాగ్‌ మాట్లాడుతున్నట్లు టాక్‌. ఇదే నిజమైతే షో అభిమానులకు ఇది ఒకరకంగా బ్యాడ్‌ న్యూస్‌. మరి ఇందులో నిజమెంతో తెలియాలంటే కొద్ది రోజులు ఆగాల్సిందే. కాగా కరోనా నేపథ్యంలో ఈ సీజన్‌ని త్వరగా పూర్తి చేయాలని అనుకుంటున్నట్లు సమాచారం.

Read More:

నాచురల్ స్టార్‌తో ‘ఉప్పెన’ బ్యూటీ..!

పవన్‌ కోసం వెళ్లిన వినోద్‌.. మధిని రంగంలోకి దింపుతున్న మహేష్‌..!