చిరు ‘అర్బన్ మాంక్‌’ లుక్.. మేకింగ్‌ వీడియో రిలీజ్ చేసిన మెగాస్టార్

Chiranjeevi Urban Monk Look: అర్బన్ మాంక్ అంటూ ఇటీవల గుండు లుక్‌ని మెగాస్టార్ చిరంజీవి తన సోషల్ మీడియాలో షేర్ చేసిన విషయం తెలిసిందే. ఈ లుక్‌ ఎలా సాధ్యమైందో చెబుతూ దానికి సంబంధించిన మేకింగ్ వీడియోను తాజాగా విడుదల చేశారు చిరు. ”ఆ వీడియోకు మేకింగ్ ఆఫ్ ద అర్బన్ మాంక్‌. ప్రతి ఒక్కరు నమ్మేలా లుక్‌ని మేకోవర్ చేసే ఇండస్ట్రీలోని ప్రతి టెక్నీషియన్‌కి థ్యాంక్స్‌. సినిమా మ్యాజిక్‌కి సెల్యూట్‌” అంటూ కామెంట్ పెట్టారు. ఈ వీడియో ఆసక్తికరంగా ఉండగా.. మెగా ఫ్యాన్స్‌లో క్యూరియాసిటీ పెరుగుతోంది. అయితే ఈ గెటప్ ఏ సినిమా కోసం అన్నది చిరంజీవి రివీల్ చేయలేదు.

కాగా ప్రస్తుతం చిరంజీవి, కొరటాల శివ దర్శకత్వంలో ఆచార్యలో నటిస్తున్నారు. సామాజిక కథాంశంతో తెరకెక్కుతోన్న ఈ సినిమాలో చిరు సరసన కాజల్ అగర్వాల్ రెండోసారి నటిస్తోంది. రామ్ చరణ్ ఓ కీలక పాత్రలో కనిపించనుండగా.. సోనూసూద్‌, అజయ్‌, హిమజ తదితరులు ప్రధాన పాత్రల్లో నటించనున్నారు. మ్యాట్నీ ఎంటర్‌టైన్‌మెంట్స్‌, కొణిదెల ప్రొడక్షన్స్ సంయుక్తంగా నిర్మిస్తోన్న ఈ చిత్రానికి మణిశర్మ సంగీతం అందిస్తున్నారు. ఈ మూవీపై ఇటు మోగాభిమానులతో పాటు అటు సాధారణ ప్రేక్షకుల్లోనూ భారీ అంచనాలు ఉన్నాయి.

Read More:

తన తొలి చిత్రాన్ని పూర్తి చేయాలనుకుంటోన్న కీర్తి

దరఖాస్తు చేసిన 21 రోజుల్లోనే ఇంటికి అనుమతి

https://www.instagram.com/tv/CFJNTF9DGW3/?utm_source=ig_embed