Ameesha Patel: నన్ను పెళ్లి చేసుకుంటావా.. అంటూ హీరోయిన్ కు ప్రపోజ్‌ చేసిన కాంగ్రెస్‌ నేత తనయుడు.. నటి రిప్లై ఏంటంటే..

Ameesha Patel: నన్ను పెళ్లి చేసుకుంటావా.. అంటూ హీరోయిన్ కు ప్రపోజ్‌ చేసిన కాంగ్రెస్‌ నేత తనయుడు.. నటి రిప్లై ఏంటంటే..

పవన్‌ కల్యాణ్‌ 'బద్రి' సినిమాలో 'సరయూ' పాత్రలో నటించి మెప్పించింది అమీషా పటేల్‌. ఆతర్వాత 'నాని', 'నరసింహుడు' చిత్రాలతో టాలీవుడ్‌ ప్రేక్షకులకు మరింత చేరువైంది. ఆతర్వాత బాలీవుడ్‌కు తన మకాం మార్చేసి స్టార్‌ హీరోలతో వరుసగా సినిమాలు చేసింది. పలు హిట్‌ సినిమాలు ఖాతాలో వేసుకుంది.

Basha Shek

|

Jan 03, 2022 | 8:53 AM

పవన్‌ కల్యాణ్‌ ‘బద్రి’ సినిమాలో ‘సరయూ’ పాత్రలో నటించి మెప్పించింది అమీషా పటేల్‌. ఆతర్వాత ‘నాని’, ‘నరసింహుడు’ చిత్రాలతో టాలీవుడ్‌ ప్రేక్షకులకు మరింత చేరువైంది. ఆతర్వాత బాలీవుడ్‌కు తన మకాం మార్చేసి స్టార్‌ హీరోలతో వరుసగా సినిమాలు చేసింది. పలు హిట్‌ సినిమాలు ఖాతాలో వేసుకుంది. అయితే కొన్నేళ్లుగా అడపాదడపా మాత్రమే సినిమాలు చేస్తోంది. కాగా ఈ అమ్మడు కాంగ్రెస్‌ దివంగతనేత అహ్మద్‌ పటేల్‌ తనయుడు ఫైజల్‌ పటేల్‌తో ప్రేమలో ఉన్నట్లు తెలుస్తోంది. అయితే తమ ప్రేమ బంధంపై వీరిద్దరు ఇప్పటివరకు ఎలాంటి ప్రకటన చేయలేదు. కాగా ఇటీవల 41వ పుట్టిన రోజును గ్రాండ్‌గా సెలబ్రేట్‌ చేసుకున్నాడు ఫైజల్‌. ఈ సందర్భంగా నిర్వహించిన పార్టీకి అమీషాను కూడా ఆహ్వానించాడు.

కాగా బర్త్‌ డే పార్టీలో ఫైజల్‌తో కలిసి ఉన్న ఫొటోలను కొలేజ్‌ చేసి ‘హ్యాపీ బర్త్ డే మై డార్లింగ్.. ఐ లవ్యూ’ అంటూ అమీషా ట్విట్టర్‌ వేదికగా ప్రియుడికి పుట్టిన రోజు శుభాకాంక్షలు తెలిపింది. కానీ ఈపోస్టుకు ఫైజల్‌ మాత్రం ఆసక్తికరంగా స్పందించాడు. ‘థ్యాంక్యూ అమీషా పటేల్‌. ఈ సందర్భంగా పబ్లిక్‌గా నీకు ప్రపోజ్‌ చేస్తున్నా. నన్ను పెళ్లి చేసుకుంటావా? అంటూ సోషల్‌ మీడియా వేదికగా రొమాంటిక్‌ పెళ్లి ప్రపోజల్‌ పెట్టాడు. అయితే ఏమైందో ఏమో తెలియదు కానీ ఆ పోస్ట్‌ను వెంటనే డిలీట్‌ చేశాడు ఫైజల్‌. అయితే అప్పటికే నెటిజన్లు ఈ పోస్ట్‌కి సంబంధించిన స్క్రీన్‌ షాట్లను తీసి సోషల్‌ మీడియాలో వైరల్‌ చేసేశారు కొంతమంది నెటిజన్లు. అమీషా కూడా వీటిపై స్పందించలేదు. కాగా గతంలో ఫైజల్‌ జైనాబ్‌ అనే మహిళను పెళ్లి చేసుకున్నాడు. అయితే గుండెపోటుతో ఆమె 2016లో చనిపోయింది. అనంతరం ఫైజల్‌ అమీషా ప్రేమలో పడ్డాడు. కాగా ఫైజల్‌ కంటే అమీషా పటేల్‌ నాలుగేళ్లు పెద్దది కావడం గమనార్హం.

Also Read:

Sankranthi Movies: ఆర్‌ఆర్‌ఆర్‌ వాయిదాతో లైన్‌ క్లియర్‌..ఈ సంక్రాంతికి సందడి చేయనున్న సినిమాలివే..

AR Rahman: వేడుకగా ఏ ఆర్‌ రెహమాన్‌ కూతురి నిశ్చితార్థం.. కాబోయే వరుడు ఎవరంటే..

15 నిమిషాల్లో రూ.5.2 లక్షల కోట్లు హాంఫట్‌ !! ఎందుకిలా ?? వీడియో

Follow us on

Related Stories

Most Read Stories

Click on your DTH Provider to Add TV9 Telugu