‘కేజీఎఫ్ 2’కు కొత్త రిలీజ్ డేట్‌..!
దేశవ్యాప్తంగా సినీ ప్రేక్షకులు ఆసక్తిగా ఎదురుచూస్తోన్న చిత్రాల్లో 'కేజీఎఫ్ 2' ఒకటి. యశ్ హీరోగా ప్రశాంత్ నీల్ తెరకెక్కిస్తోన్న ఈ సీక్వెల్‌ షూటింగ్‌ క్లైమాక్స్‌లో ఉంది.
KGF 2 release date: దేశవ్యాప్తంగా సినీ ప్రేక్షకులు ఆసక్తిగా ఎదురుచూస్తోన్న చిత్రాల్లో ‘కేజీఎఫ్ 2’ ఒకటి. యశ్ హీరోగా ప్రశాంత్ నీల్ తెరకెక్కిస్తోన్న ఈ సీక్వెల్‌ షూటింగ్‌ క్లైమాక్స్‌లో ఉంది. మొదట ఈ చిత్రాన్ని ఈ నెలలో విడుదల చేయాలని దర్శకనిర్మాతలు అనుకున్నారు. అయితే అనుకోకుండా కరోనా మహమ్మారి రావడంతో.. షూటింగ్‌లకు బ్రేక్ పడటంతో కేజీఎఫ్ చిత్రీకరణ కూడా ఆగిపోయింది. ఇక గత నెల ఈ మూవీ షూటింగ్‌ తిరిగి ప్రారంభం అయ్యింది. ఈ నేపథ్యంలో ఇప్పుడు ఈ క్రేజీ సీక్వెల్‌కి కొత్త రిలీజ్ డేట్‌ని ఫిక్స్ చేసినట్లు తెలుస్తోంది.
ఈ నెల 15 నుంచి థియేటర్లు తెరుస్తుండగా.. అన్ని పరిస్థితులు సర్దుకునేసరికి మరో రెండు నెలలు పట్టనుంది. ఈ క్రమంలో సంక్రాంతి కానుకగా వచ్చే ఏడాది జనవరి 14న కేజీఎఫ్ 2కు విడుదల తేది ఫిక్స్ చేసినట్లు సమాచారం. కన్నడతో పాటు మిగిలిన భారతీయ భాషల్లో అదే రోజున రిలీజ్ చేయాలని దర్శకనిర్మాతలు అనుకుంటున్నట్లు తెలుస్తోంది. అంతేకాదు త్వరలోనే దీనిపై అధికారిక ప్రకటన రానున్నట్లు టాక్. కాగా ఈ మూవీలో యశ్ సరసన శ్రీనిధి శెట్టి నటిస్తుండగా.. సంజయ్ దత్ విలన్‌గా కనిపించనున్నారు. రవీనా టాండెన్, రావు రమేష్, ప్రకాష్‌ రాజ్ తదితరులు కీలక పాత్రల్లో నటిస్తున్నారు.
Read More:
