Jathi Ratnalu: లక్కీ ఛాన్స్‌ కొట్టేసిన జాతి రత్నాలు డైరెక్టర్‌.. స్టార్‌ హీరోతో నవ్వులు పూయించేందుకు..

Jathi Ratnalu: జాతి రత్నాలు అనే ఒక్క సినిమాతో తెలుగు సినిమా (Tollywood) ఇండస్ట్రీని ఒక్కసారి తనవైపు తిప్పుకున్నాడు డైరెక్టర్‌ అనుదీప్‌ (Anudeep). ఫుల్‌లెంత్‌ కామెడీ ఎంటర్‌టైనర్‌గా తెరకెక్కిన ఈ సినిమా చిన్న చిత్రంగా వచ్చి పెద్ద విజయాన్ని అందుకుంది. థియేటర్ల నుంచి బయటకు వచ్చే వరకు ప్రేక్షకులు తెగ నవ్వుకున్నారు. రెండో సినిమాతోనే ఈ స్థాయి విజయాన్ని అందుకోవడంతో అందరి దృష్టి అనుదీప్‌పై పడింది. దీంతో అనుదీప్‌ తర్వాతి చిత్రంపై రకరకాల వార్తలు షికార్లు చేశాయి. ఈ క్రమంలోనే అనుదీప్‌ తన తర్వాతి చిత్రాన్ని శివ కార్తికేయన్‌తో పట్టాలెక్కించాడు. అయితే ప్రస్తుతం అనుదీప్‌ నాల్గవ సినిమా గురించి నెట్టింట ఓ వార్త సందడి చేస్తోంది.

ఈ వార్తల సారాంశం ప్రకారం.. అనుదీప్‌ తన తర్వాత చిత్రాన్ని స్టార్‌ హీరో విక్టర్‌ వెంకటేష్‌తో చేయనున్నాడని తెలుస్తోంది. ప్రస్తుతం ఎఫ్‌3 షూటింగ్‌ను పూర్తి చేసే పనిలో ఉన్న వెంకీ ఆ సినిమా పూర్తికాగానే అనుదీప్‌తో సినిమా చేయనున్నాడని సమాచారం. ఈ చిత్రాన్ని సితార ఎంటర్‌టైన్‌మెంట్స్‌ నిర్మించనున్నారని టాక్‌. వెంకీ అంటేనే కామెడికి కేరాఫ్‌ అడ్రస్‌ అలాంటి హీరోతో అనుదీప్‌ చేతులు కలుపుతుండడంతో ఈ సినిమా అనౌన్స్‌ కూడా చేయకముందే అందరి దృష్టిపడింది. మరి ఈ వార్తల్లో ఎంత వరకు నిజం ఉందో తెలియాలంటే అధికారిక ప్రకటన వచ్చే వరకు వేచి చూడాల్సిందే.

Also Read: Yogi Adityanath: సగర్వంగా రెండోసారి యూపీ సీఎంగా యోగి ఆదిత్యనాథ్.. ప్రమాణస్వీకార ముహూర్తం ఖరారు..

Car Accident: పీకలదాకా తాగడం.. ఆ మత్తులో కారెక్కడం.. ప్రాణాలు తీస్తున్న తాగుబోతులు

INDW vs AUSW: ఆస్ట్రేలియా ముందు భారీ టార్గెట్.. అర్థసెంచరీలతో ఆకట్టుకున్న మిథాలీ, భాటియా, కౌర్..