Tollywood: బుల్లితెరపై లేడీ సూపర్ స్టార్.. ఒక్కో ఎపిసోడ్ కు లక్షల్లో రెమ్యునరేషన్.. ఆస్తులు తెలిస్తే స్టన్ అవ్వాల్సిందే..

బుల్లితెరపై ఒక్కో ఎపిసోడ్‌కు రూ. 2.5 లక్షల వరకు పారితోషికం తీసుకుంటూ భారతీయ టెలివిజన్ రాణిగా మారిన ఈ హీరోయిన్ గురించి మీకు తెలుసా.. ? ఆమె ఆస్తులు సుమారు రూ. 58 కోట్ల నికర ఆస్తి ,ఒక వ్యాపార సామ్రాజ్యం కలిగిన తన విలాసవంతమైన జీవితాన్ని వెల్లడించారు. ఇప్పుడు ఆమె ఆస్తుల గురించి తెలిసి ఆశ్చర్యపోతున్నారు సినీ ఫ్యాన్స్. ఇంతకీ ఆమె ఎవరంటే..

Jennifer Winget

Rajitha Chanti |
Updated on: Oct 11, 2026 | 7:37 AM

జెన్నిఫర్ వింగెట్ భారతీయ టెలివిజన్ పరిశ్రమలోని అతిపెద్ద తారలలో ఒకరు. తన అద్భుతమైన నటన , అసాధారణమైన నటనతో తెరపై ప్రత్యేక గుర్తింపు సంపాదించుకున్నారు. టెలివిజన్ చరిత్రలోనే అత్యధిక పారితోషికం తీసుకునే ప్రముఖ నటీమణులలో ఒకరు. నివేదికల ప్రకారం, ఈ తార నికర ఆస్తి విలువ రూ. 45 కోట్ల నుండి రూ. 58 కోట్ల మధ్య ఉంటుందని అంచనా. 1995లో ఆమిర్ ఖాన్ నటించిన ‘అకేలే హమ్ అకేలే తుమ్’ చిత్రంలో బాలనటిగా రంగప్రవేశం చేసిన జెన్నిఫర్, ఆ తర్వాత టెలివిజన్ సీరియల్స్ ద్వారా కోట్లాది మంది ప్రేక్షకుల అభిమానాన్ని చూరగొంది. ‘కసౌతి జిందగీ కే’లో స్నేహా బజాజ్, ‘దిల్ మిల్ గయే’లో డాక్టర్ రిద్ధిమా గుప్తా, ‘సరస్వతీచంద్ర’లో కుముద్, ‘బెహద్’లో ప్రతినాయక పాత్రలో మాయా మెహ్రోత్రా, ‘బేపన్నా’లో జోయా సిద్ధిఖీ వంటి పాత్రలు భారతీయ బుల్లితెరపై చరిత్ర సృష్టించాయి. ప్రస్తుతం, జెన్నిఫర్ ఒక్కో ఎపిసోడ్‌కు రూ. 2 లక్షల నుంచి రూ. 2.5 లక్షల వరకు పారితోషికం తీసుకుంటుందని సమాచారం.

ఎక్కువమంది చదివినవి: Bathukamma Song : యూట్యూబ్‌ను షేక్ చేస్తున్న మంగ్లీ కొత్త బతుకమ్మ పాట.. గంటల్లోనే

ఆమె కేవలం టీవీల్లోనే కాకుండా ఓటీటీల్లోనూ రాణిస్తుంది. ‘కోడ్ ఎమ్’ సిరీస్‌లో మేజర్ మోనికా మెహ్రా పాత్ర తర్వాత, ఈ నటి ‘రైసింగని వర్సెస్ రైసింగని’, నెట్‌ఫ్లిక్స్ మిస్టరీ థ్రిల్లర్ ‘తలాష్: ఎ మదర్స్ సెర్చ్’ చిత్రాలలో తన పాత్రలకు విమర్శకుల ప్రశంసలు అందుకున్నారు. అలాగే ఎన్నో బ్రాండ్స్ ప్రకటనల ద్వారా రూ. 60 లక్షల నుంచి రూ.3 కోట్ల వరకు పారితోషికం తీసుకుంటుంది. 1.8 కోట్లకు పైగానే ఫాలోవర్స్ ఉన్నారు. ఇన్ స్టాలో ప్రతి పోస్టుకు రూ.18 లక్షల నుంచి రూ.25 లక్షల వరకు సంపాదిస్తుంది. నటనతో పాటు, జెన్నిఫర్ వ్యాపార ప్రపంచంలో కూడా తనకంటూ ఒక స్థానాన్ని సంపాదించుకుంది. ఆమె ఏక్తా కపూర్, సుసాన్ ఖాన్‌లతో కలిసి ‘ఏక్త్రా జ్యువెల్స్’ అనే ఆభరణాల బ్రాండ్‌ను ప్రారంభించింది. అంతేకాకుండా, ‘ఆరా షాండెల్’ అనే లగ్జరీ కొవ్వొత్తుల బ్రాండ్‌కు సహ-వ్యవస్థాపకురాలు కూడా.

ఎక్కువమంది చదివినవి: Jaya Prada: ఆ హీరోకు అత్తగా నటించా.. అతడు అంటే నాకు పిచ్చి ఇష్టం.. జయప్రద..

ఆమె వద్ద ఆడి క్యూ7, బీఎండబ్ల్యూ 5 సిరీస్, మెర్సిడెస్-బెంజ్ జీఎల్‌సీ వంటి విలాసవంతమైన కార్లు ఉన్నాయి. 2012లో తన సహ నటుడు కరణ్ సింగ్ గ్రోవర్ ను ప్రేమించి పెళ్లి చేసుకున్న జెన్నిఫర్ రెండేళ్లకే అతడితో విడిపోయింది. దాదాపు పదేళ్లకు పైగా ఒంటరిగా ఉన్న ఆమె ఈ ఏడాది యూకేలో సింగపూర్‌కు చెందిన వ్యాపారవేత్త విలియం ఇష్మాయిల్‌ను వివాహం చేసుకుంది. గోవాలో అంగరంగ వైభవంగా జరిగిన ఈ వివాహ వేడుకల చిత్రాలను అభిమానులు ఇన్‌స్టాగ్రామ్‌లో పంచుకున్నారు.

ఎక్కువమంది చదివినవి: Nana Patekar : నా ఆస్తి ఆ 12 ఎండు కట్టలే.. నేను ముందే పక్కన పెట్టుకున్నా.. నానా పటేకర్ వీడియో షేర్ చేసిన ఆర్జీవీ..