Priyanka Chopra: తనను అలా సంబోధించడంపై ఆగ్రహం వ్యక్తం చేసిన ప్రియాంక.. మహిళలకు ఇంకా ఇలాగే ఎందుకు జరుగుతుంది అంటూ..
Priyanka Chopra: ప్రతీ వ్యక్తి తనకంటూ ఓ స్వంత గుర్తింపు ఉండాలని భావిస్తుంటారు. ఆ ఐడెంటిటీ కోసమే ప్రయత్నిస్తుంటారు. అలా కాకుండా తమ అస్తిత్వాన్ని ప్రశ్నార్థకంగా మారుస్తూ ఎవరైనా సంబోధిస్తే సహజంగానే కోపం వస్తుంది...
Priyanka Chopra: ప్రతీ వ్యక్తి తనకంటూ ఓ స్వంత గుర్తింపు ఉండాలని భావిస్తుంటారు. ఆ ఐడెంటిటీ కోసమే ప్రయత్నిస్తుంటారు. అలా కాకుండా తమ అస్తిత్వాన్ని ప్రశ్నార్థకంగా మారుస్తూ ఎవరైనా సంబోధిస్తే సహజంగానే కోపం వస్తుంది. తాజాగా ఇలాంటి అనుభవాన్నే ఎదుర్కున్నారు గ్లోబల్ స్టార్ ప్రియాంక చోప్రా. బాలీవుడ్లో కెరీర్ మొదలు పెట్టి ప్రియాంక ప్రస్తుతం అంతర్జాతీయ చిత్రాలు, వెబ్ సిరీస్లో నటిస్తూ తనకంటూ ఓ ప్రత్యేక గుర్తింపును సంపాదించుకున్నారు. అయితే తాజాగా ప్రియాంకను అంతర్జాతీయ మీడియా వైఫ్ ఆఫ్ నిక్ జోనస్ అని సంబోధించడం పట్ల అసహనం వ్యక్తం చేశారు. ఒకింత ఘాటూగానే స్పందించారు ప్రియాంక.
వివరాల్లోకి విళితే.. ప్రియాంక చోప్రా తాజాగా ‘మ్యాట్రిక్స్ రిజరాక్షన్స్’ అనే సినిమాలో నటించిన విషయం తెలిసిందే. ఈ సినిమా డిసెంబర్ 22న విడుదల కానుంది. ఈ నేపథ్యంలో సినిమా ప్రమోషన్స్లో భాగంగా ప్రియాంక తాజాగా వీలేకర్లతో ముచ్చటించారు. ఈ విషయాన్ని రిపోర్ట్ చేసిన కొన్ని అంతర్జాతీయ మీడియా సంస్థలు.. ‘నిక్ జొనాస్ సతీమణి మ్యాట్రిక్స్ సినిమా విశేషాలపై స్పందించారు’ అని రాసుకొచ్చాయి.
దీంతో తీవ్ర అసహనానికి గురైన ప్రియాంక సదరు వార్తలకు సంబంధించిన స్క్రీన్ షాట్స్ను ఇన్స్టాగ్రామ్ స్టోరీస్లో పోస్ట్ చేస్తూ.. ‘ప్రపంచవ్యాప్తంగా ఎంతో మంది ఆతృతగా ఎదురుచూస్తున్న మ్యాట్రిక్స్ సినిమా ప్రమోషన్స్లో నేను పాల్గొంటే.. నన్ను ఓ వ్యక్తి భార్యగానే అభివర్ణించడం ఆశ్చర్యంగా ఉంది. మహిళలకు ఇంకా ఇలాగే ఎందుకు జరుగుతుందో దయచేసి చెప్పండి? ఇప్పటి వరకూ నేను చేసిన సినిమాలన్నింటి జాబితా నా ఇన్స్టా బయోలో పెట్టుకోవాలేమో?’ అంటూ ప్రియాంక రాసుకొచ్చారు. దీంతో కొందరు నెటిజన్లు ప్రియాంకకు మద్ధతుగా కామెంట్లు చేస్తున్నారు.
Also Read: WhatsApp Groups: వాట్సాప్ గ్రూప్ అడ్మిన్లకు అదిరిపోయే ఫీచర్.. ఇక నుంచి ఆ మెసేజ్లకు చెక్..!
Samantha Ruth Prabhu: క్రేజీ స్టిల్స్ తో ఫ్యాన్స్ని కవ్విస్తున్న సమంత లేటెస్ట్ పిక్స్
IPL 2022 Mega Auction: లక్నో కెప్టెన్, హెడ్ కోచ్గా వారిద్దరే.. త్వరలోనే కీలక ప్రకటన..!