FCUK Movie Update: జగపతి సినిమా నుంచి మరో పోస్టర్.. ఉమా లుక్ రివీల్ చేసిన చిత్ర యూనిట్..

ఫ్యామిలీ హీరో జగపతి బాబు ప్రధాన పాత్రలో నటిస్తున్న చిత్రం ఎఫ్‏సీయూకే (ఫాదర్ చిట్టి ఉమా కార్తీక్). ఇటీవల ఈ సినిమాకు సంబంధించిన పోస్టర్లను ఒక్కోక్కటిగా విడుదల చేస్తోంది చిత్రబృందం. ఇప్పటికే జగపతి బాబు పోస్టర్ రివీల్ చేయగా మంచి స్పందన వచ్చింది. తాజాగా ఈ సినిమాకు సంబంధించిన మరో పోస్టర్ విడుదలైంది. ఈ రంజిత్ మూవీస్ బ్యానర్ పై ఎల్.దామోదర్ ప్రసాద్ ఈ చిత్రాన్ని రూపొందిస్తున్నాడు. రొమాంటిక్ కామెడి ఎంటర్ టైనర్‏గా తెరకెక్కుతున్న ఈ సినిమాకు విద్యాసాగర్ రాజు దర్శకత్వం వహిస్తున్నారు.

ఈ సినిమాలో జగపతి బాబు, రామ్ కార్తీక్, అమ్ము అభిరామి, చైల్డ్ ఆర్టిస్ట్ సహశ్రిత ప్రధాన పాత్రలలో నటిస్తున్నారు. తాజాగా డిసెంబర్ 28న ఈ సినిమాకు సంబంధించిన థర్డ్ పోస్టర్లో ఉమా లుక్‏ను విడుదల చేశారు. ఇందులో అమ్ము అభిరామి ఉమా పాత్రలో నటిస్తున్నట్లుగా తెలుస్తోంది. ఇక ఈ పోస్టర్‏లో అమ్ము చేతిలో తెల్లకోటు, స్టెతస్కోపుతో కనిపిస్తుంది. ఈ పోస్టర్‏ను బట్టి చూస్తే అమ్ము అభిరామి ఇందులో డాక్టర్‏గా నటిస్తున్నట్లు తెలుస్తోంది. తమిళ స్టార్ హీరో దనుష్ సరసన అసురన్ సినిమాలో సినీ ఇండస్ట్రీలోకి అడుగుపెట్టింది ఈ ముద్దుగుమ్మ. తెలుగులోకి ఎఫ్‏సీయూకే చిత్రం ద్వారా పరిచయం కానుంది. ఈ సినిమాలో ఉమా పాత్ర చాలా రొమాంటిక్‏గా ఉంటుందట. ఈ మూవీకి సంబంధించిన కార్తీక్ ఫోటో ఇంకా విడుదల కావాల్సి ఉంది. ఇక వచ్చే ఏడాది సంక్రాంతికి ఈ సినిమాను విడుదల చేయడానికి సన్నాహాలు చేస్తుంది సినిమా యూనిట్.