Viral Photo: చీర కట్టులో ఉన్న ఈ చిన్నది ఇప్పుడో స్టార్ హీరోయిన్.. బాలీవుడ్‌ వయా టాలీవుడ్‌.. ఇంతకీ ఎవరంటే..
Viral Photo: సోషల్‌ మీడియా (Social Media) అందుబాటులోకి వచ్చి తర్వాత సెలబ్రిటీలు అభిమానులకు చేరువవుతున్నారు. ముఖ్యంగా నటీమణులు తమ కెరీర్‌ విషయాలతో పాటు, వ్యక్తిగత వివరాలను ఎప్పటికప్పుడు...
Updated on: Jul 14, 2022 | 12:30 PM
Viral Photo: సోషల్‌ మీడియా (Social Media) అందుబాటులోకి వచ్చి తర్వాత సెలబ్రిటీలు అభిమానులకు చేరువవుతున్నారు. ముఖ్యంగా నటీమణులు తమ కెరీర్‌ విషయాలతో పాటు, వ్యక్తిగత వివరాలను ఎప్పటికప్పుడు అభిమానులతో షేర్‌ చేసుకుంటున్నారు. లేటెస్ట్ ఫొటోలను ఇన్‌స్టాగ్రామ్‌ వేదికగా పోస్ట్‌ చేస్తున్నారు. కేవలం ఫొటోలకే పరిమితం కాకుండా తమ అభిప్రాయాలను కొటేషన్ల రూపంలో పంచుకుంటున్నారు. ఈ క్రమంలోనే తాజాగా ఓ అందాల తార తన లేటెస్ట్ ఫొటో షూట్‌కు సంబంధించిన పిక్స్‌ను ఇన్‌స్టాగ్రామ్‌లో షేర్‌ చేసింది.
వైట్‌, బ్లూ కలర్‌ కాంబినేషన్‌లో ఉన్న శారీలో కెమెరాకు వెన్ను చూపుతోన్న ఈ బ్యూటీ ఎవరో గుర్తు పట్టారా.? ప్రస్తుతం బాలీవుడ్‌లో తనదైన ముద్ర వేసిన ఈ బ్యూటీ వెండి తెర ఎంట్రీ ఇచ్చింది మాత్రం తెలుగు సినిమాతోనే. తెలుగులో వరుస అవకాశాలు వస్తున్న సమయంలోనే బాలీవుడ్‌ బాట పట్టిన ఈ బ్యూటీ అక్కడ భారీ విజయాలను సొంతం చేసుకుంది. ముఖ్యంగా ఉమెన్‌ ఓరియెంటెడ్‌ మూవీస్‌లో నటిస్తూ తనకంటూ ప్రత్యేక గుర్తింపును సంపాదించుకుంది. అనంతరం ఏకంగా నిర్మాతగా మారి తోటి హీరోయిన్లతో సినిమాలు తెరకెక్కిస్తోంది.
ఇంతకీ ఈ బ్యూటిఫుల్‌ అండ్‌ ట్యాలెంటెడ్‌ హీరోయిన్ ఎవరో గుర్తుపట్టారా.? తన ట్యాలెంట్‌తో బాలీవుడ్‌లో చప్పట్లు కొట్టించుకుంటోన్న ఈ చిన్నది మరెవరో కాదు అందాల తార తాప్సీ. ప్రస్తుతం ఉమెన్స్‌ టీమిండియా మాజీ కేప్టెన్‌ మిథాల్‌ రాజ్‌ జీవిత కథ ఆధారంగా తెరకెక్కుతోన్న శభాష్‌ మిథు సినిమా ద్వారా ప్రేక్షకులను పలకరించడానికి సిద్ధమవుతోంది. ఈ క్రమంలోనే తాజాగా ఇన్‌స్టాగ్రామ్‌ వేదికగా వైట్‌ శారీలో దిగిన కొన్ని ఫొటోలను పోస్ట్‌ చేసిందీ బ్యూటీ. ఈ ఫొటోలతో.. ‘ప్రయత్నించండి.. పడండి.. నవ్వండి.. నిలబడి మళ్లీ ప్రయత్నించండి. నేర్చుకునే ప్రక్రియను ఒక వేడుకగా మార్చుకోండి’ అనే ఆసక్తికర క్యాప్షన్‌ను రాసుకొచ్చింది తాప్సీ.
View this post on Instagram
మరిన్ని సినిమా వార్తల కోసం క్లిక్ చేయండి..
