Movie News: అసిస్టెంట్​ డైరెక్టర్​తో స్టార్ హీరో కుమార్తె, ప్రస్తుత​ హీరోయిన్​ డేటింగ్​ !

బాలీవుడ్‌ స్టార్ యాక్టర్ సైఫ్‌ అలీఖాన్‌ కుమార్తె సారా అలీఖాన్‌ డేటింగ్‌లో ఉన్నట్లు బీ టౌన్ మీడియా కోడై కూస్తుంది. ఆమె కథానాయికగా వెండితెరకు పరిచయమైన ‘కేదార్‌నాథ్‌’ సినిమా సహాయ దర్శకుడు జహన్‌ హండాతో డేటింగ్‌లో ఉందంటూ అక్కడి వెబ్‌సైట్లలో వార్తలు హల్‌చల్ చేస్తున్నాయి. హాలీడేలో భాగంగా ఓ బీచ్‌లో సారాతో కలిసి దిగిన ఫొటోలను ఇటీవల జహన్‌ ఇన్‌స్టా స్టోరీస్‌లో షేర్‌ చేశాడు. అయితే.. ఈ పోస్ట్‌ను రీషేర్ చేస్తూ, ‘ఐ లవ్‌ యూ.. మళ్లీ ఆ రోజులకు తీసుకు వెళ్లు’ అని సారా రిప్లై ఇవ్వడం ఇప్పుడు హాట్ టాపిక్‌గా మారింది. దీంతో వీరిద్దరూ ప్రేమలో ఉన్నమాట వాస్తవమేనని అందరూ కన్ఫామ్ చేస్తున్నారు. గతేడాది సారా బర్త్ డే సమయంలోనూ ఆమెకు సంబంధించిన పలు ఫొటోలను జహన్‌ సోషల్‌మీడియాలో షేర్‌ చేశారు.

‘కేదారనాథ్‌’ మూవీతో ఫిల్మ్ ఇండస్ట్రీలోకి అడుగుపెట్టిన సారా అలీఖాన్‌.. ఆ సినిమా షూటింగ్‌ సమయంలో హీరో సుశాంత్‌ సింగ్‌ రాజ్‌పూత్‌తో ఎంతో సన్నిహితంగా మెలిగారు. దాంతో వీరిద్దరూ లవ్‌లో ఉన్నారని అప్పట్లో వార్తలు గుప్పుమన్నాయి. కానీ వీరిద్దరూ ఆ విషయంపై ఎలాంటి ప్రకటన చెయ్యలేదు. అనంతరం, ‘లవ్‌ ఆజ్‌కల్‌’ సినిమా షూట్‌ సమయంలో నటుడు కార్తిక్‌ ఆర్యన్‌-సారా ప్రేమలో ఉన్నారని కూడా వార్తలు వచ్చాయి. కానీ వాటిపై సదరు నటీనటుల నుంచి ఎలాంటి ప్రకటన రాలేదు. కానీ ప్రస్తుతం ఈ జంట సోషల్ మీడియాలో చేస్తోన్న హడావిడి చూస్తే.. వీరిద్దరూ డేటింగ్‌లో ఉన్న వార్త కొట్టొచ్చినట్టు తెలుస్తుంది అంటున్నారు.. పలువురు ఇండస్ట్రీ జనాలు.

Sara Ali Khan

Also Read: సండే క‌రోనా వ్యాప్తికి సెల‌వు లేదండి..! ఆదివారం చేప‌ల మార్కెట్ల వ‌ద్ద ఏందీ లొల్లి

ఆ గ్రామంలో భయం భయం… పశువుల రక్తం తాగుతున్న సైకో.. తాజాగా లేగదూడను చంపి..