అందానికి నిజమైన నిర్వచనం అదేనంటూ సీక్రెట్ రివీల్ చేసిన బాలీవుడ్ బ్యూటీ కరీనా కపూర్

నేటి కాలంలో అందం అనేది ఒక మూస పద్ధతిలో లేదు. ప్రతి వ్యక్తికీ ఒక ప్రత్యేకమైన ఛాయ, ఒక విలక్షణమైన శైలి ఉంటాయి. కేవలం మహిళలకే కాకుండా, పురుషుల అందంపై ఉన్న అపోహలను తొలగించడానికి యువ నటుడు అహాన్ పాండేను కూడా ఈ ప్రయాణంలో భాగస్వామిని చేసింది. ఈ ప్రచారంలో కరీనా కపూర్ చెప్పిన మాటలు ఇప్పుడు అందరినీ ఆలోచింపజేస్తున్నాయి.

‘సెల్ఫ్​-లవ్’ మంత్రం

తాజాగా ఒక యాడ్​లో కరీనా ఒక కీలకమైన విషయం చెప్పారు. “నాకు ఏం కావాలో నాకు బాగా తెలుసు. నా చర్మానికి ఏం నచ్చుతుందో, నా జుట్టు ఏ మాట వింటుందో నాకు తెలుసు” అని ఆమె పేర్కొన్నారు. అంటే, ఎవరో చెప్పిన ప్రొడక్ట్స్ వాడటం కంటే, మన శరీరానికి, చర్మానికి ఏది సరిపోతుందో గుర్తించడమే అసలైన అందం అని ఆమె ఉద్దేశ్యం. కరీనా సోషల్ మీడియాలో పోస్ట్ చేస్తూ.. “నేను ఫుల్ గ్లామర్ లుక్‌లో ఉన్నప్పుడు తీరా నన్ను అర్థం చేసుకుంటుంది, అలాగే మేకప్ లేకుండా చాలా రిలాక్స్‌గా ఉన్నప్పుడు కూడా నా అందాన్ని అది గుర్తిస్తుంది” అని రాశారు.

మనం జిగేల్మని మెరిసిపోయే పార్టీల్లో ఉన్నా లేదా ఇంట్లో ఖాళీగా కూర్చున్నా, మనల్ని మనం ఇష్టపడటమే అసలైన అందం. ఒక చిన్న ‘లిప్ ఆయిల్’ వంటి ప్రొడక్ట్ కూడా మన దైనందిన జీవితంలో ఎలా భాగమవుతుందో ఆమె వివరించారు.

పురుషుల అందం..

ఈ బ్రాండ్ కేవలం మహిళలకే పరిమితం కాకుండా, అహాన్ పాండే ద్వారా పురుషుల బ్యూటీ రొటీన్ గురించి కూడా మాట్లాడుతోంది. అందం అనేది లింగభేదం లేనిదని, ప్రతి ఒక్కరికీ తమను తాము అందంగా తీర్చిదిద్దుకునే హక్కు ఉందని ఈ ప్రచారం చాటిచెబుతోంది. నిజాయితీ, స్వీయ వ్యక్తీకరణ, స్వేచ్ఛ ఇవే కరీనా కపూర్ నమ్ముతున్న సూత్రాలు. ప్రయోగాలు చేయండి, కొత్త ప్రొడక్ట్స్ అన్వేషించండి, కానీ చివరికి మీ మనసుకు నచ్చినట్లుగా, మీ రూపాన్ని మీరే నిర్వచించుకోండి. అందం అంటే అది మీరే!