Crime news: గొంతులో కొబ్బరి ముక్క ఇరుక్కుని.. మూడున్నరేళ్ల బాలుడు మృతి

చిన్నారులు ఉన్న ఇంట్లో ప్రతి క్షణం జాగ్రత్తగా ఉండాలి. వారు చేసే పనులనూ గమనిస్తూ ఉండాలి. ఏం చేస్తున్నారు.. ఏం తింటున్నారు.. అనే విషయాల్లో..

child in train toilet

Ganesh Mudavath |
Updated on: Feb 12, 2022 | 11:37 AM

చిన్నారులు ఉన్న ఇంట్లో ప్రతి క్షణం జాగ్రత్తగా ఉండాలి. వారు చేసే పనులనూ గమనిస్తూ ఉండాలి. ఏం చేస్తున్నారు.. ఏం తింటున్నారు.. అనే విషయాల్లో అప్రమత్తంగా ఉండాలి. చిన్న పిల్లలు వారికి దొరికిన వస్తువును నోట్లో పెట్టకుంటూ ఉంటారు. ఈ పనులు కొన్ని సార్లు ప్రమాదకరంగా మారవచ్చు. తాజాగా గొంతులో కొబ్బరి ముక్క ఇరుక్కుని మూడున్నరేళ్ల బాలుడు మృతి చెందారు. ఈ ఘటన తమిళనాడు(Tamilnadu) లోని పాక్కం గ్రామంలో జరిగింది.

తమిళనాడులోని పొన్నేరి సమీపంలోని పాక్కం గ్రామానికి చెందిన వసంత్‌కు మూడున్నరేళ్ల కుమారుడు సంజీశ్వరన్‌ ఉన్నాడు. ఈ క్రమంలో ఇంట్లో వంట చేయడం కోసం కొబ్బరిని ముక్కలు చేసి ఉంచాడు. అక్కడే ఆడుకుంటున్న సంజీశ్వరన్‌.. ఆ కొబ్బరి ముక్కలను తిన్నాడు. అవి గొంతులో ఇరుక్కుపోవడంతో స్పృహ కోల్పోయాడు. తల్లిదండ్రులు వెంటనే చెన్నై స్టాన్లీ ప్రభుత్వ ఆస్పత్రికి తీసుకువెళ్లారు. అక్కడ చికిత్స పొందుతూ మృతి చెందాడు. ఈ ఘటనపై పోలీసులు కేసు నమోదు చేశారు.