Prajavani: కలెక్టర్‌ ముందుకి పిస్టల్, కత్తి, కారంపొడితో ఆర్జీదారు..! కృష్ణాజిల్లా ప్రజావాణిలో కలకలం
జిల్లా కలెక్టర్‌ ముందుకి పిస్టల్‌తో వెళ్లాడో వ్యక్తి. పిస్టల్ మాత్రమే కాదు.. కత్తి, కారప్పొడి కూడా వెంటబెట్టుకెళ్లాడు. సకాలంలో
Updated on: Sep 13, 2021 | 4:18 PM
Machilipatnam – Prajavani: జిల్లా కలెక్టర్‌ ముందుకి పిస్టల్‌తో వెళ్లాడో వ్యక్తి. పిస్టల్ మాత్రమే కాదు.. కత్తి, కారప్పొడి కూడా వెంటబెట్టుకెళ్లాడు. సకాలంలో చూసిన పోలీసులు వాటన్నింటినీ లాక్కుని.. అతన్ని స్టేషన్‌కు లాక్కెళ్లారు. ఈ సీన్‌ కృష్ణా జిల్లా కలెక్టరేట్‌లో జరిగింది. మచిలీపట్నంలో నిర్వహించిన ప్రజావాణిలో కలెక్టర్‌కి అర్జీ ఇవ్వడానికి జెంటిల్‌ మేన్ లా వచ్చాడు కొల్లు అశోక్ అనే వ్యక్తి. తనకున్న స్థల వివాదం పరిష్కరించాలని కోరాడు. ప్రాణరక్షణ కూడా కావాలని వేడుకున్నాడు. అంటూ అంటూనే.. తుపాకీ, కత్తి, కారప్పొడి బయటకు తీశాడు.
వెంటనే రెస్పాండ్ అయిన పోలీసులు ఉన్న పళంగా వాటిని లాక్కుని.. అతన్ని చిలకలపూడి స్టేషన్‌కు తరలించారు. అయితే అశోక్ తీసుకొచ్చిన తుపాకీ నకిలీ దని తేల్చారు. కానీ అర్జీ కోసం, వివాద పరిష్కారం కోసం, ప్రాణ రక్షణ కోసం వేడుకోడానికి వచ్చిన వ్యక్తికి వీటితో పనేంటని, అసలు ఏ టార్గెట్‌తో వచ్చాడన్న అంశాలపై పోలీసులు అశోక్ ఇంటరాగేట్ చేస్తున్నారు.
డమ్మీ గన్, కత్తి, కారంతో వచ్చిన సదరు అర్జీదారుడు తిరువూరుకు చెందిన కె అశోక్ అని పోలీసులు నిర్ధారించారు. పోలీసులు అతని నుండి డమ్మీ గన్, కత్తి, కారం పొట్లాన్ని స్వాధీనం చేసుకున్నారు. సదరు వ్యక్తిని చిలకలపూడి పోలీస్ స్టేషన్లో విచారిస్తున్నారు. కాగా ఈ ఘటనపై మీడియాకు సమాచారం ఇచ్చేందుకు పోలీసులు వెనుకాడుతున్నట్టు సమాచారం.
