Ram Naramaneni |
Updated on: Jul 04, 2021 | 12:55 PM
అఫ్గానిస్తాన్ నుంచి అక్రమంగా హెరాయిన్ తరలిస్తున్న ఓ స్మగ్లర్ను మహారాష్ట్ర డైరెక్టరేట్ ఆఫ్ రెవెన్యూ ఇంటలిజెన్స్(డీఆర్ఐ) అధికారులు అరెస్టు చేశారు . నిందితుడి దగ్గర నుంచి దాదాపు 300 కేజీల హెరాయిన్ స్వాధీనం చేసుకున్నట్లు తెలిపారు. దీని విలువ రూ. 879 కోట్ల వరకు ఉంటుందని వెల్లడించారు. ఇరాన్, అఫ్గానిస్తాన్ నుంచి అక్రమంగా తరలించిన సరుకును.. జిప్సమ్ స్టోన్, తాల్కమ్ పౌడర్గా అధికారులు గుర్తించారు. ఈ సరుకును సరఫరా చేస్తున్న ప్రబ్జోత్ సింగ్ అనే నిందితుడిని రాయ్గఢ్ దగ్గర్లోని జవహర్లాల్ నెహ్రూ పోర్ట్ ట్రస్ట్(జేఎన్పీటీ) సమీపంలో అరెస్టు చేసినట్లు వెల్లడించారు. ఏడాది నుంచి నిందితుడు మత్తు పదార్థాల దందా కొనసాగిస్తున్నట్లు తెలిసిందని అధికారులు వివరించారు. గతేడాది ఆగస్టులోనూ ఆయుర్వేదిక్ మందుల పేరిట హెరాయిన్ సరఫరా చేస్తున్న కంటైనర్ను డీఆర్ఐ బృందాలు గుర్తించాయి. రూ. 1,000 కోట్ల విలువ చేసే హెరాయిన్ను సీజ్ చేశాయి. అప్పుడు కూడా ఆ మత్తుపదార్థాలు అఫ్గాన్ నుంచే సరఫరా అయినట్లు అధికారులు పేర్కొన్నారు.
మహారాష్ట్ర ముంబైలో 290 కిలోల హెరాయిన్ను రెవెన్యూ ఇంటిలిజెన్స్ డైరెక్టరేట్(ఆర్ఐడీ)అధికారులు స్వాధీనం చేసుకున్నారు. దీని విలువ రూ.300 కోట్లుగా ఉంటుందని తెలిపారు. ఈ కేసులో ఇద్దరిని అదుపులోకి తీసుకున్నట్లు వివరించారు. సముద్ర మార్గం ద్వారా విదేశాల నుంచి ముంబైలోని జేఎన్పీటీ పోర్టుకు మాదకద్రవ్యాలు దిగుమతి అవుతున్నట్లు సమాచారం అందుకున్న అధికారులు.. తనిఖీలు చేపట్టారు. ఈ క్రమంలోనే భారీగా హెరాయిన్ పట్టుబడినట్లు వెల్లడించారు. అలాగే జేఎన్పీటీ నుంచి దేశంలోని ఇతర ప్రాంతాలకు పంపిణీ చేస్తున్నట్లు ప్రాథమిక దర్యాప్తులో తేలిందని అధికారులు వెల్లడించారు.
Also Read: నిరుద్యోగులకు గుడ్‌ న్యూస్.. 151 అసిస్టెంట్‌ పబ్లిక్‌ ప్రాసిక్యూటర్‌ పోస్టుల భర్తీకి నోటిఫికేషన్
Copyright © 2023 TV9 Telugu. All Rights Reserved.
