’12 ‘O’ క్లాక్’తో మరోసారి భయపెట్టనున్న వర్మ

RGV next is 12 ‘O’ clock Trailer : సంచలనాల దర్శకుడు రామ్ గోపాల్ వర్మ ఏ మాత్రం తగ్గడం లేదు. వరుస సినిమాలతో దూసుకుపోతున్నారు. మరో కొత్త సినిమాతో భయపెట్టేందుకు రెడీ అవుతున్నారు. చాలా కాలం తర్వాత ఓ హరర్ మూవీతో తెలుగు ప్రేక్షకులను భయపెట్టనున్నారు. ఆ చిత్రానికి సంబంధించిన టీజర్‌ను సైతం సోషల్ మీడియాలో విడుదల చేశారు. ’12 O క్లాక్’ అనే పేరుతో ఓ హారర్ సినిమాను ప్రకటించారు. గతంలో ‘రాత్రి’, ‘భూత్’ వంటి హారర్ చిత్రాలను తెర‌కెక్కించి ప్రేక్షకులకు వణుకుపుట్టించి ఆకట్టుకున్నారు. ఇప్పుడు ’12 O క్లాక్’ పేరుతో మరోసారి సినిమాను చూపించబోతున్నారు.

గతంలో తాను విడుదల చేసిన షార్ట్ ఫిల్మ్ కాదని 1 గంట 45 నిముషాలు ఉండే ఫుల్ లెన్త్ సినిమా అని వర్మ ప్రకటించారు. లాక్‌డౌన్‌లో సినిమా ప్రపంచం మొత్తం ఇంటికే పరిమితమైతే… వర్మ మాత్రం వరుస చిత్రాలతో దూకుడుమీదున్నారు. “క్లైమాక్స్”, “నగ్నం” చిత్రాలను ఆర్జీవీ వరల్డ్ – శ్రేయాస్ ఈటీలో విడుదల చేస్తున్నారు.

వర్మ విడుదల చేసిన టీజర్ కూడా అదే స్థాయిలో ఉంది. ఈ చిత్రాన్ని మూవీని కంపెనీ ప్రొడ‌క్షన్‌పై రామ్‌గోపాల్ వ‌ర్మ తెర‌కెక్కిస్తుండ‌గా, ఎంఎం కీర‌వాణి సంగీతం అందిస్తున్నారు. ఈ చిత్రంలో బాలీవుడ్ నటుడు మితున్ చక్రవర్తితోపాటు ప్రముఖ నటులు కనిపిస్తున్నారు.

Horror films predominantly depend upon intense performances accompanied by a judicious mix of sound and music .. 12’o’CLOCK has a very surprising score from ⁦@mmkeeravaani⁩https://t.co/3CJbV20aGB pic.twitter.com/6x3Rl8HSPX

— Ram Gopal Varma (@RGVzoomin) July 4, 2020