బ్రెజిల్‌లో కరోనా విలయ తాండవం.. 18 లక్షలు దాటిన కేసులు..

బ్రెజిల్‌లో కరోనా మహమ్మారి విలయ తాండవం చేస్తోంది. ప్రపంచ వ్యాప్తంగా నమోదవుతున్న కరోనా పాజిటివ్ కేసుల్లో అత్యధికంగా నమోదవుతున్న దేశాల్లో బ్రెజిల్‌ రెండో స్థానంలో ఉంది. ఇప్పటికే ఇక్కడ కరోనా పాజిటివ్ కేసుల సంఖ్య ఇరవై లక్షలకు చేరువయ్యాయి. అగ్రస్థానంలో అగ్రరాజ్యం అమెరికా కొనసాగుతుండగా.. మూడో స్థానంలో భారత్‌ కొనసాగుతోంది. గడిచిన 24 గంటల్లో బ్రెజిల్‌లో రికార్డు స్థాయిలో కరోనా పాజిటివ్ కేసులు నమోదయ్యాయి. ఏకంగా 39 వేలకు పైగా కరోనా పాజిటివ్ కేసులు నమోదయ్యాయి. దీంతో ఇప్పటి వరకు బ్రెజిల్‌లో నమోదైన కరోనా పాజిటివ్ కేసుల సంఖ్య 18,39,850కి చేరింది. ఇక గడిచిన 24 గంటల్లో కరోనా బారినపడి 1,071 మంది మరణించారు. దీంతో ఇప్పటి వరకు బ్రెజిల్ వ్యాప్తంగా కరోనా బారినపడి 71 వేల మందికి పైగా మరణించారు. ఈ విషయాన్ని బ్రెజిల్ ఆరోగ్య మంత్రిత్వ శాఖ వెల్లడించింది.