LockDown: భారీగా పెరుగుతోన్న కరోనా కేసులు.. మళ్లీ లాక్‌డౌన్‌ విధించిన అధికారులు..

Again LockDown: గతేడాది యావత్‌ ప్రపంచాన్ని గడగడలాడించిన కరోనా మహమ్మారికి ఇప్పుడిప్పుడే చెక్‌ పడుతోందని అంతా భావించారు. వ్యాక్సిన్‌ కూడా అందుబాటులోకి రావడంతో ఇక కరోనా పని ఖతం అయ్యిందని అంతా ఊపిరి పీల్చుకున్నారు. అయితే..

Lockdown

Updated on: Mar 13, 2021 | 8:34 PM

Again LockDown: గతేడాది యావత్‌ ప్రపంచాన్ని గడగడలాడించిన కరోనా మహమ్మారికి ఇప్పుడిప్పుడే చెక్‌ పడుతోందని అంతా భావించారు. వ్యాక్సిన్‌ కూడా అందుబాటులోకి రావడంతో ఇక కరోనా పని ఖతం అయ్యిందని అంతా ఊపిరి పీల్చుకున్నారు. అయితే తాజాగా జరుగుతోన్న పరిణామాలు మళ్లీ ఆందోళన కలిగిస్తున్నాయి. రోజురోజుకీ క్రమంగా పెరుగుతోన్న కేసులు భయాదోళలను రేకెత్తిస్తున్నాయి. తాజాగా మహారాష్ట్రాల్లో ఓ రేంజ్‌లో కేసులు పెరుగుతున్నాయి. దీంతో మహారాష్ట్ర ప్రభుత్వం కొన్ని ప్రాంతాల్లో పాక్షికంగా లాక్‌డౌన్‌ విధించిన విషయం తెలిసిందే. ఈ క్రమంలో లాక్‌డౌన్‌ విధించిన ప్రదేశాల్లో ఔరంగాబాద్‌ జిల్లా ఒకటి. ప్రస్తుతం ఔరంగాబాద్ జిల్లాలో మొత్తం కోవిడ్‌-19 కేసుల సంఖ్య 57,755 నమోదవ్వగా, నిన్నటి వరకు 5,569 యాక్టివ్‌ కేసులు ఉన్నాయి. దీంతో అధికారులు అప్రమత్తమయ్యారు. జిల్లాలో తదుపరి ఆదేశాలు వచ్చే వరకు వారాంతాల్లో పూర్తిగా లాక్‌డౌన్‌ను విధించాలని అధికారులు నిర్ణయించారు. దీంతో పలు ప్రాంతాలు నిర్మానుష్యంగా మారాయి. దీనికి సంబంధించిన ఫొటోలు గతేడాది దేశ వ్యాప్తంగా లాక్‌డౌన్‌ విధించిన సమయంలో ఉన్న పరిస్థితులను గుర్తు చేస్తున్నాయి. ఇక నాగ్‌పూర్‌లో కూడా ఈ నెల 21 వరకు లాక్‌డౌన్‌ విధించిన విషయం తెలిసిందే. ఇక మహారాష్ట్రాలో శుక్రవారం మూడో రోజు ఈ ఏడాదిలో అత్యధికంగా 15,817 కొత్త కేసులు నమోదయ్యాయి. మహారాష్ట్రాలో కేసులు విపరీతంగా పెరుగుతుండడంతో నీతి ఆయోగ్ సభ్యుడు వికె పాల్‌ ఆందోళన వ్యక్తం చేశారు. ఇది తీవ్రమైన పరిణామంగా భావించాలని తెలిపారు. ఇక ప్రజలు ఎవరికి వారు స్వీయ నియంత్రణ పాటించాలని సూచించారు.

Maharashtra: Complete lockdown imposed in Aurangabad on weekends, due to a rise in COVID19 cases

The total number of COVID19 cases in Aurangabad district is 57,755 including 5,569 active cases, till yesterday. pic.twitter.com/ODXyEff1UW

— ANI (@ANI) March 13, 2021