సింగపూర్‌లో 35వేలకు చేరువలో కరోనా కేసుల సంఖ్య..

కరోనా మహమ్మారి ప్రపంచ దేశాలన్నింటిని గజగజ వణికిస్తోంది. ఇప్పటికే అరవై లక్షల మందికి పైగా కరోనా సోకింది. ముఖ్యంగా అగ్రరాజ్యం అమెరికాలో అత్యధికంగా కరోనా పాజిటివ్ కేసులతో పాటు… మరణాలు కూడా ఇక్కడే ఎక్కువగా నమోదవుతున్నాయి. ఇక అమెరికా తర్వాత.. యూరప్‌ దేశాల్లో కూడా ఈ మహమ్మారి వ్యాప్తి ఎక్కువగా ఉంది. ఇక మన సమీప దేశమైన సింగపూర్‌లో కరోనా కేసుల సంఖ్య మళ్లీ పెరుగుతోంది. తాజాగా గడిచిన 24 గంటల్లో 518 కరోనా పాజిటివ్ కేసులు నమోదైనట్లు సింగపూర్‌ ఆరోగ్య మంత్రిత్వ శాఖ అధికారులు వెల్లడించారు. దీంతో ఇప్పటి వరకు సింగపూర్‌లో నమోదైన కరోనా పాజిటివ్ కేసుల సంఖ్య 34,884కి చేరింది. అయితే తాజాగా నమోదైన కేసుల్లో ఎక్కువ మంది విదేశాల నుంచి వచ్చిన వారి దగ్గర పనిచేస్తున్న వారికే సోకినట్లు అధికారులు పేర్కొన్నారు. ఇక ఏప్రిల్‌ నుంచి ఇప్పటి వరకు వెయ్యికి లోపే కేసులు నమోదవుతున్నట్లు పేర్కొన్నారు. గత మే నెలలో కొన్ని వ్యాపార సంస్థలకు తిరిగి తెరవడానికి అనుమతులిచ్చామని.. ఇక జూన్‌ 2వ తేదీ నుంచి కరోనా కట్టడి కోసం కఠినమైన నిర్ణయాలు తీసుకుంటామని అధికారులు తెలిపారు.