కరోనా విలయం.. అమెరికాలో లక్ష దాటిన మరణాలు..

అగ్రరాజ్యం అమెరికాలో కరోనా వైరస్ మరణ మృదంగం వాయిస్తోంది. ఇప్పటివరకు అక్కడ లక్షకు పైగా మరణాలు సంభవించాయి. దేశంలో ప్రస్తుతం 17,45,803 పాజిటివ్ కేసులు ఉండగా.. అందులో 11,53,566 యాక్టివ్ కేసులు ఉన్నాయి. వీరిలో 17,166 మంది క్రిటికల్‌ కండిషన్‌లో ఉన్నారు. కాగా, వైరస్ నుంచి 4,90,130 మంది కోలుకుని ఆసుపత్రుల నుంచి డిశ్చార్జ్ అయ్యారు. అటు 1,00,396 మంది మహమ్మారి కారణంగా ప్రాణాలు విడిచారు.

న్యూయార్క్‌లో అత్యధికంగా 3,74,672 కరోనా పాజిటివ్‌ కేసులు నమోదు కాగా.. 29,553 మంది బాధితులు చనిపోయారు. ఇక న్యూయార్క్ తర్వాత న్యూజెర్సీలో ఎక్కువగా కరోనా మరణాలు సంభవించాయి. ఇక్కడ 1,57,818 పాజిటివ్‌ కేసులు నమోదవగా, 11,341 మంది మృతిచెందారు. అటు ఇల్లినాయిస్‌లో ఇప్పటివరకు 1,14,306 కరోనా కేసులు, 5083 మరణాలు సంభవించాయి. కాగా, ప్రపంచవ్యాప్తంగా ఇప్పటివరకు 58,03,647 కరోనా పాజిటివ్‌ కేసులు నమోదయ్యాయి. అటు వైరస్ కారణంగా 3,57,712 మంది మరణించారు.