ఒడిషాలో పెరుగుతున్న కేసులు.. తాజాగా మరో 112..

కరోనా మహమ్మారి ఒడిషాలో విజృంభిస్తోంది. తొలుత అక్కడ కేసుల సంఖ్య అత్యల్పంగానే ఉన్నప్పటికీ.. గత కొద్ది రోజులుగా కేసుల సంఖ్య విపరీతంగా పెరుగుతోంది. తాజాగా శుక్రవారం నాడు కొత్తగా మరో 112 కరోనా పాజిటివ్ కేసులు నమోదయ్యాయి. దీంతో ఇప్పటి వరకు రాష్ట్ర వ్యాప్తంగా నమోదైన కేసుల సంఖ్య 3,498కి చేరింది. ఈ విషయాన్ని ఒడిషా ఆరోగ్య మంత్రిత్వ శాఖ వెల్లడించింది. ఇక కరోనా వైరస్ నుంచి ఇప్పటి వరకు 2,354 మంది కోలుకుని ఆస్పత్రుల నుంచి డిశ్చార్జ్ అయ్యారని తెలిపారు.

ఇదిలావుంటే.. గురువారం నాడు దేశ వ్యాప్తంగా రికార్డ్ స్థాయిలో కరోనా పాజిటివ్ కేసులు నమోదయ్యాయి. ఏకంగా 10,956 కరోనా పాజిటివ్ కేసులు వచ్చాయి. దీంతో దేశ వ్యాప్తంగా నమోదైన కేసుల సంఖ్య 2,97,535కి చేరింది. వీటిలో 1,41,842 యాక్టివ్ కేసులు ఉండగా.. 1,47,195 మంది కరోనా నుంచి కోలుకొని ఆస్పత్రుల నుంచి డిశ్చార్జ్‌ అయ్యారు. ఇక మరో 8,498 మంది కరోనా బారినపడి మరణించారు. ఈ విషయాన్ని కేంద్ర ఆరోగ్య మంత్రిత్వ శాఖ వెల్లడించింది.