kendriya vidyalaya: సిద్ధిపేట, సిరిసిల్ల కేంద్రీయ విద్యాలయాల్లో టీచింగ్ పోస్టులు.. నేరుగా ఇంటర్వ్యూ ద్వారా ఎంపిక..

kendriya vidyalaya: సిద్ధిపేట, సిరిసిల్ల కేంద్రీయ విద్యాలయాల్లో టీచింగ్ పోస్టులు.. నేరుగా ఇంటర్వ్యూ ద్వారా ఎంపిక..
Career After 12th

kendriya vidyalaya jobs: తెలంగాణలో ఉన్న సిద్ధిపేట, సిరిసిల్ల కేంద్రీయ విద్యాలయాల్లో పలు పోస్టుల భర్తీకి నోటిఫికేషన్‌ జారీ చేశారు. భారత ప్రభుత్వ...

Narender Vaitla

| Edited By: Ravi Kiran

Mar 02, 2022 | 7:33 AM

kendriya vidyalaya jobs: తెలంగాణలో ఉన్న సిద్ధిపేట, సిరిసిల్ల కేంద్రీయ విద్యాలయాల్లో పలు పోస్టుల భర్తీకి నోటిఫికేషన్‌ జారీ చేశారు. భారత ప్రభుత్వ విద్యా మంత్రిత్వశాఖకి చెందిన ఈ విద్యా సంస్థల్లో టీచింగ్ పోస్టులను భర్తీ చేయనున్నారు. ఈ ఖాళీలను ఎలాంటి రాత పరీక్ష లేకుండా నేరుగా ఇంటర్వ్యూ ఆధారంగా ఎంపిక చేయనున్నారు. ఏయే విభాగాల్లో ఖాళీలు ఉన్నాయి.? ఎలా దరఖాస్తు చేసుకోవాలి.? లాంటి పూర్తి వివరాలు మీకోసం..

భర్తీ చేయనున్న ఖాళీలు, అర్హతలు..

* నోటిఫికేషన్‌లో భాగంగా ప్రైమరీ టీచర్ (పీఆర్‌టీ), టీజీటీ, స్పోర్ట్స్‌ కోచ్‌, కంప్యూటర్‌ ఇన్‌స్ట్రక్టర్‌, నర్స్‌, స్పెషల్‌ ఎడ్యుకేటర్‌ పోస్టులను భర్తీ చేయనున్నారు.

* ఇంగ్లిష్‌, హిందీ, సంస్కృతం, మ్యాథమేటిక్స్‌, సైన్స్‌, సోషల్‌ సైన్సెస్‌, కౌన్సెలర్‌ విభాగాల్లో ఖాళీలు ఉన్నాయి.

* పైన తెలిపిన పోస్టులకు దరఖాస్తు చేసుకునే వారు. పోస్టుల ఆధారంగా సంబంధిత సబ్జెక్టుల్లో డిప్లొమా/ డిగ్రీ/ గ్రాడ్యుయేషన్, బీఏ/ బీఎస్‌స్సీ, నాలుగేళ్ల ఇంటిగ్రేటెడ్ డిగ్రీ/ బ్యాచిలర్స్‌ డిగ్రీ, బీఈ/ బీటెక్‌/బీసీఏ/ఎంసీఏ/ఎమ్మెస్సీ, బీఈడీ, బీఎస్సీ/ డిప్లొమా నర్సింగ్ ఉత్తీర్ణత పొంది ఉండాలి.

* వీటితో పాటు సంబంధిత పనిలో అనుభవం, కంప్యూటర్ నాలెడ్జ్‌ ఉండాలి.

* అభ్యర్థుల వయసు 30 నుంచి 35 ఏళ్ల మధ్య ఉండాలి.

ముఖ్యమైన విషయాలు..

* ఆసక్తి, అర్హత ఉన్న అభ్యర్థులు నేరుగా ఇంటర్వ్యూకు హాజరుకావాల్సి ఉంటుంది.

* ఇంటర్వ్యూలను ఫస్ట్‌ఫ్లోర్, ఎల్లంకి ఇంజనీరింగ్ కాలేజ్‌ క్యాంపస్, రూరల్‌ పోలీస్‌ స్టేషన్‌ దగ్గర, కేంద్రీయ విద్యాలయ సిద్దిపేట అడ్రస్‌లో నిర్వహిస్తారు.

* ఇంటర్వ్యూలను మార్చి 5, 8, 10 తేదీల్లో నిర్వహిస్తారు.

* పూర్తి వివరాల కోసం ఇక్కడ క్లిక్‌ చేయండి.. https://siddipet.kvs.ac.in/

Follow us on

Related Stories

Most Read Stories

Click on your DTH Provider to Add TV9 Telugu