SAIL Bokaro Recruitment 2022: పదో తరగతి అర్హతతో స్టీల్ ప్లాంట్లో ఈ పోస్టులకు దరఖాస్తు చేసుకున్నారా? చివరి తేదీ పొడిగిస్తూ ప్రకటన..
భారత ప్రభుత్వ స్టీల్ మంత్రిత్వశాఖకు చెందిన సంస్థ అయిన జార్ఖండ్లోని బొకారోలోనున్న స్టీల్ అథారిటీ ఆఫ్ ఇండియా (SAIL Bokaro).. 146 అటెండెంట్ కమ్ టెక్నీషియన్ ట్రైనీ (Technician Trainee Posts) పోస్టుల భర్తీకి అర్హులైన..
Updated on: Sep 20, 2022 | 8:30 AM
SAIL Bokaro Attendant cum Technician Trainee Recruitment 2022: భారత ప్రభుత్వ స్టీల్ మంత్రిత్వశాఖకు చెందిన సంస్థ అయిన జార్ఖండ్లోని బొకారోలోనున్న స్టీల్ అథారిటీ ఆఫ్ ఇండియా (SAIL Bokaro).. 146 అటెండెంట్ కమ్ టెక్నీషియన్ ట్రైనీ (Technician Trainee Posts) పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్ విడుదల చేసిన సంగతి తెలిసిందే. ఐతే ఈ పోస్టులకు ఆన్లైన్ దరఖాస్తు తుది గడువు ప్రక్రియ సెప్టెంబర్ 15, 2022వ తేదీన మిగిసింది. తాజాగా అప్లికేషన్ చివరి తేదీని పొడిగిస్తున్నట్లు సెయిల్ కంపెనీ ప్రకటన విడుదల చేసింది. ఇప్పటి వరకు దరఖాస్తు చేసుకోని అభ్యర్ధులు సెప్టెంబర్ 30, 2022వ తేదీలోపు దరఖాస్తు చేసుకోవచ్చు. ఈ పోస్టులకు దరఖాస్తు చేసుకునే అభ్యర్ధులు పదో తరగతి లేదా తత్సమాన కోర్సులో ఉత్తీర్ణత సాధించి ఉండాలి. అలాగే అభ్యర్ధుల వయసు సెప్టెంబర్ 15, 2022వ తేదీ నాటికి 28 ఏళ్లకు మించకుండా ఉండాలి. ఈ అర్హతలున్నవారు ఎవరైనా దరఖాస్తు చేసుకోవచ్చు. ఐతే దరఖాస్తు సమయంలో జనరల్/ఓబీసీ/ఈడబ్ల్యూఎస్ అభ్యర్ధులు రూ.200లు అప్లికేషన్ ఫీజుగా చెల్లించవల్సి ఉంటుంది. ఎస్సీ/ఎస్టీ/పీడబ్ల్యూడీ/ఈఎస్ఎమ్/డిపార్ట్మెంటల్ అభ్యర్ధులకు రూ.100లు చెల్లించవచ్చు. రాత పరీక్ష ఆధారంగా తుది ఎంపిక ఉంటుంది. ఎంపికైనవారికి నెలకు రూ.9,000ల నుంచ రూ.17,000ల స్టైపెండ్ చెల్లిస్తారు. ఇతర సమాచారం అధికారిక నోటిఫికేషన్లో చెక్ చేసుకోవచ్చు.
పూర్తి సమాచారం కోసం క్లిక్ చేయండి.
మరిన్ని తాజా విద్యా, ఉద్యోగ సమాచారం కోసం క్లిక్ చేయండి.
